走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 3:1 | 先知哈巴谷的祈禱，用「詩祈謳樂」調。 |
|---|---|
| 3:2 | 耶和華啊，我聽見你的消息就驚惶。耶和華啊，求你佇諸個年的中間，閣興起你的所做，佇諸個年的中間顯現；佇受氣的時記得憐憫。 |
| 3:3 | 上帝對提幔來；聖者對巴蘭山到。（細拉）伊的榮光遮蓋諸個天；伊的名聲充滿地。 |
| 3:4 | 伊的燦爛親像光；對伊的手有出光線，佇遐伊的能力囥啲。 |
| 3:5 | 佇伊的頭前有瘟疫流行；佇伊的後面有熱症發出。 |
| 3:6 | 伊徛啲，就量大地，伊觀看，趕散列邦。永遠佇啲的山裂開；久長的山嶺崩陷；伊的所行對早以來是按呢。 |
| 3:7 | 我看見古珊的布棚抵著患難，米甸地的帳簾栗栗惙。 |
| 3:8 | 耶和華啊，你騎你的馬，坐佇你拯救的車，豈是無歡喜諸個江、受氣諸個河、痛恨洋海嗎？ |
| 3:9 | 你的弓攏露出，對諸個支派所咒誓的攏是真實的話。（細拉）你用江河分開大地。 |
| 3:10 | 山嶺看見你，就驚惶；大水透風經過，深淵出伊的聲，大湧淐高。 |
| 3:11 | 因為你的箭射出光，你的槍的光炎炎閃，日及月停止佇伊的位處。 |
| 3:12 | 你受氣來遍行地上，你大受氣拍列國，親像拍五穀。 |
| 3:13 | 你出來欲救你的百姓，拯救你的受抹油者，歹人家中的頭目你拍碎伊，露現伊的根基，到盡頭。（細拉） |
| 3:14 | 你用伊家己的槍鑿透伊戰士的頭；𪜶來親像捲螺風，欲趕散我。𪜶所歡喜者是暗靜吞食喪鄉人。 |
| 3:15 | 你騎馬踏佇海裡，就是踏夯湧的大水。 |
| 3:16 | 我聽見我的心腸攪絞，為著彼個聲，我的嘴唇喀喀抖，骨骸朽壞；我佇我的所在愕愕惙。我只有恬恬聽候災難的日到，侵犯境內的百姓上來。 |
| 3:17 | 雖然無花果樹無發樣，葡萄樹無結果子，橄欖樹也無收成，田園無出五穀，朝（t枵）內無半隻羊，朝（t枵）內也無牛； |
| 3:18 | 我猶久欲因為耶和華來歡喜，因為救我的上帝來快樂。 |
| 3:19 | 主耶和華是我的氣力；伊互我的腳親像鹿母，閣互我行佇我高的所在。此個歌交互樂官，用我絲弦的樂器來唱。 |
- 本章節結束 -
上一章