走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 2:1 | 呣知見誚的百姓啊，恁應該聚集，著會集！ |
|---|---|
| 2:2 | 就是命令猶未發出的代先，日子過去親像粗糠，耶和華大受氣未到恁的代先，耶和華受氣的日未到恁的代先，恁應該聚集。 |
| 2:3 | 見若地上謙遜的人，遵趁耶和華法度者，恁著尋耶和華！著尋公義，著尋謙遜，豈採佇耶和華受氣的日恁通閃匿。 |
| 2:4 | 因為迦薩欲抵著棄絕；亞實基倫欲荒廢。亞實突佇日中晝的時欲受趕出；以革倫亦欲抵著拔起來。 |
| 2:5 | 徛起海邊的基利提族有災禍啊！迦南、非利士人的地啊，耶和華的話攻擊恁，講：我欲毀滅你，致到無人徛起。 |
| 2:6 | 海邊的地欲變做草場，有牧者的草寮，有羊群的徛。稠 |
| 2:7 | 海墘欲互猶大家剩的百姓得著；𪜶欲佇遐飼羊群，下昏時𪜶欲倒佇亞實基倫諸個厝；因為耶和華──𪜶的上帝欲眷顧𪜶，互𪜶受掠的人倒來。 |
| 2:8 | 我曾聽見摩押的誹謗及亞捫人的譏刺，就是誹謗我的百姓，家己誇大，攻擊𪜶的境界。 |
| 2:9 | 因為按呢萬軍的耶和華──以色列的上帝講：我既然是活者，摩押欲親像所多瑪，亞捫人欲親像蛾摩拉，莿帕發艷艷、遍地有鹽坑、永遠拋荒。我的百姓所剩者欲搶劫𪜶；我國內所留者欲得著𪜶的土地做業。 |
| 2:10 | 𪜶抵著此個代誌是因為𪜶驕傲，誹謗，家己誇大，來攻擊萬軍的耶和華的百姓。 |
| 2:11 | 耶和華欲對𪜶顯出威嚴，因為伊欲互世上諸個上帝衰弱。列國眾海嶼的百姓逐個佇伊本所在敬拜伊。 |
| 2:12 | 古實人啊，恁亦欲互我的刀刣死。 |
| 2:13 | 伊欲伸手攻擊北方，剿滅亞述，互尼尼微拋荒，乾燥親像曠野。 |
| 2:14 | 列國的走獸欲歸群倒佇彼中間；鵜鶘及河豬欲歇佇柱枓。佇窗仔內有哮的聲；戶椗攏欲毀壞，柏香柴板已經露出。 |
| 2:15 | 這是宴樂安然徛起無掛慮的城，心內講：只有我，我以外無別個；今怎樣拋荒到按呢，成做野獸倒的所在！見若對遐過的人攏欲譏刺來搖手。 |
