台語聖經

線上台語聖經

麥穗田首頁線上台語聖經

經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -

約珥書第2章

章節快速選擇 :

上下篇聖經查閱：何西阿書阿摩司書回到目錄

2:1	你著佇錫安歕哨角，佇我的聖山歕號頭。國內徛起的百姓攏著愕愕惙；因為耶和華的日欲到，今近啦。
2:2	彼日是黑黑暗暗，密雲、黑暗的日，親像拍昲光色緻舖滿山頭。有一族大閣強；將來未曾有按呢者，以後到代代也無。
2:3	火𤏸佇𪜶的頭前，火焰燒佇𪜶的後面。𪜶未到的地，親像伊甸園；𪜶過了的地，成做拋荒的曠野；無一項會閃避𪜶。
2:4	𪜶的形狀親像馬，跑走親像馬兵。
2:5	𪜶跳佇山頂親像車的聲，閣親像火焰燒草的聲，親像強猛的百姓排佇戰陣。
2:6	𪜶一下來，眾百姓慘到極，面攏變色。
2:7	𪜶跑走親像勇士，絔上城親像戰士；逐個照路行，無亂隊伍。
2:8	大家無相挨夾，逐個行伊的路，抵著槍刀，亦無閃避。
2:9	𪜶跳入城，𨃟過牆，爬上厝頂，入窗仔親像賊。
2:10	𪜶一下來，地振動天搖泏，日月黑暗，星辰無光。
2:11	耶和華佇伊的軍兵的面前出聲，伊的軍隊真大；行伊的命令者真強猛。因為耶和華的日大閣通驚，是誰當會起啊？
2:12	耶和華講：雖然按呢，恁著用專心、用禁食、用啼哭、用悲哀，越轉歸向我。
2:13	著拆裂恁的心，莫得拆裂恁的衫。歸向耶和華──恁的上帝；因為伊有仁慈，憐憫，無快快受氣，滿滿恩惠，閣退悔伊的災禍。
2:14	是誰會知伊肯越倒轉來退悔，留福氣佇後來，就是有素祭灌奠獻互恁的上帝──耶和華。
2:15	恁著佇錫安歕哨角，設一個禁食的聖日，召集嚴肅會。
2:16	聚集眾百姓，分別彼個會做聖：招集老人，聚集囝仔及食奶者；互新子婿出伊的厝，新娘離開伊的房。
2:17	服事耶和華的祭司著佇兩廊及祭壇的中間啼哭，講：耶和華啊，求你寬恕你的百姓，莫得互你的產業受凌辱，互列邦管轄𪜶。啥事互列國的人講：「𪜶的上帝佇叨落」？
2:18	彼時耶和華為著伊的地來熱心，憐憫伊的百姓。
2:19	耶和華應伊的百姓講：看啊，我欲互恁有五穀、新酒、及油，恁就滿足；我無閣互恁佇列邦中受凌辱；
2:20	我也欲互北方的軍隊離開恁遠遠，趕伊到亢旱拋荒的地，伊的前隊到東海，後隊到西海；因為伊行大代誌，伊的歹味淐起，臭味發起。
2:21	地土啊，莫得驚；著歡喜快樂，因為耶和華行大事。
2:22	田野的走獸啊，莫得驚；因為，曠野的草場發生，樹結伊的果子，無花果樹、葡萄樹亦攏結實。
2:23	錫安的百姓啊，恁著快樂，為耶和華──恁的上帝來歡喜；因為伊用前的雨及時賞賜恁，為著恁落雨水，就是前的雨、後的雨，及以前一樣。
2:24	五穀場欲有麥滿滿；窟中的新酒及油欲滿出來。
2:25	我差到恁中間的大軍隊，就是第一種、第二種、第三種、第四種的草蜢，所食許個年冬，我攏欲還恁。
2:26	恁欲食來知足，亦欲謳咾恁的上帝──耶和華的名。因為伊為著恁行奇妙的事，我的百姓的確永遠無見誚。
2:27	恁就欲知我佇以色列的中間，閣知我是耶和華──恁的上帝；以外無別個。我的百姓的確永遠無見誚。
2:28	了後，我欲用我的神降落互凡有肉體者。恁的子查某子欲做先知講話；恁的老人欲得著眠夢，恁的少年人欲看見異象。
2:29	佇許個日，我欲用我的神降落佇奴僕女婢。
2:30	「我欲顯明奇事，佇天裡佇地裡，血及火，及火熏的柱。
2:31	日頭欲變黑暗，月欲變做血，佇耶和華大閣通驚的日未到的代先。
2:32	到彼時，見有求叫耶和華的名者欲得著救；因為佇錫安山，及佇耶路撒冷欲有逃脫的人，照耶和華所講的佇剩的百姓中欲有耶和華所召者。」

- 本章節結束 -

聯繫資訊

線上台語聖經

台語聖經

約珥書第2章

快速導航

相關資訊

聯絡麥穗田

聯繫資訊

線上台語聖經

台語聖經

約珥書 第2章

約珥書第2章