走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 3:1 | 「因為佇許個日當彼時，就是我互猶大及耶路撒冷受掠的人倒轉來的時， |
|---|---|
| 3:2 | 我欲聚集萬百姓，導𪜶落去約沙法的山谷，佇遐審判𪜶；因為𪜶將我的百姓，就是我的產業以色列，分散佇列國中，閣分我的土地， |
| 3:3 | 閣將我的百姓做鬮來拈，將囝仔換妓女，賣查某囝仔買酒飲。 |
| 3:4 | 「推羅啊，西頓啊，非利士四境啊，恁及我甚麼干涉？恁欲報應我嗎？恁若報應我，我欲緊緊互恁的報應歸佇恁的頭殼。 |
| 3:5 | 恁既然搶提我的金銀，閣將我所歡喜的寶物帶入恁的宮殿， |
| 3:6 | 閣恁曾用猶大人及耶路撒冷的人賣互希臘人，欲互𪜶離開𪜶的境界遠遠。 |
| 3:7 | 看啊，我欲激動𪜶離開恁所賣𪜶到的所在，我欲互恁的報應歸佇恁的頭殼。 |
| 3:8 | 我欲將恁的子查某子賣佇猶大人的手，𪜶欲賣𪜶互示巴人就是遠遠的國。這是耶和華講的。」 |
| 3:9 | 著用此個宣布佇列邦中：著備辦交戰；激動勇士，互攏總的戰士進前上來。 |
| 3:10 | 著用恁的犁頭拍做刀劍，用恁的鐮仔拍做槍；軟弱者著講：我就是勇士。 |
| 3:11 | 四圍的列國啊，恁著緊緊來，相及聚集。耶和華啊，互你許個勇士落去遐。 |
| 3:12 | 列國的人攏著起來，上到約沙法的山谷；因為我欲坐佇遐，審判四圍的萬百姓。 |
| 3:13 | 恁著伸出鍥仔！因為五穀熟啦；來，踏落去！因為酒窟滿啦。酒池溢出來啦；𪜶的歹真大。 |
| 3:14 | 一陣一陣的人佇判斷的山谷，因為耶和華的日近啦，佇判斷的山谷。 |
| 3:15 | 日月黑暗，星辰無光。 |
| 3:16 | 耶和華欲對錫安喝喊，對耶路撒冷出聲，天及地就振動。總是耶和華欲做伊的百姓逃閃的所在，做以色列人的衛所。 |
| 3:17 | 恁就知我是耶和華──恁的上帝，徛起佇錫安──我的聖山者。彼時，耶路撒冷欲成做聖；外邦人無閣對伊的中間經過。 |
| 3:18 | 當彼日，大山欲滴甜的酒；小山欲流奶；猶大諸個溪、河攏有水啲流。欲有水泉對耶和華的殿出來，潤澤什亭的山谷。 |
| 3:19 | 埃及欲拋荒，以東變做拋荒的曠野，因為𪜶暴虐猶大人，閣流無罪的人的血佇𪜶的地。 |
| 3:20 | 總是猶大欲存到永遠；耶路撒冷欲存到代代。 |
| 3:21 | 早我未曾洗清𪜶流血的罪，今欲洗𪜶，因為耶和華徛起佇錫安。 |
- 本章節結束 -
上一章