走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
當時，猶大的宿敵以東對耶路撒冷的陷落不但幸災樂禍，甚至乘機劫掠聖城，並且作侵略者的幫兇。俄巴底亞預言以東將受懲罰，跟以色列其他敵國一同滅亡。最後，錈宣佈以色列民然歸回應許之地，而耶和華的國度必長存。
| 1:1 | 俄巴底亞所得著的默示。主耶和華論到以東講：阮對耶和華遐聽見消息，也有使者奉差去列國，講：起來啊，咱著起來及伊交戰！ |
|---|---|
| 1:2 | 看啊，我互你佇列國中做微細，互人大大看輕。 |
| 1:3 | 踮佇石洞內、徛起高的所在的啊，你的心的驕傲騙你，心內講：是誰會給我降落地啊？ |
| 1:4 | 你雖然升高親像鷹鳥，作巢佇星的中間，我欲對遐給你降落。這是耶和華講的。 |
| 1:5 | 賊若來你遐，抑是強盜暝時來──豈呣是偷到滿意若定──挽葡萄者若來到你遐挽，豈無猶留幾粒仔嗎？你抵著剪除到怎樣啊？ |
| 1:6 | 以掃怎樣受搜尋啊？伊所囥的寶物怎樣受查出啊？ |
| 1:7 | 及你結約者攏帶你到邊界；及你和好者欺騙你，卡贏你；食你的米糧者設活罩佇你的下面；伊的心攏無智識。 |
| 1:8 | 耶和華講：到彼日，我豈無對以東除滅智慧的人？對以掃的山除滅聰明的人？ |
| 1:9 | 提幔啊，你的勇士欲驚惶，致到踮以掃的山逐人受刣死剪除。 |
| 1:10 | 因為你暴虐你的兄弟雅各，你欲抵著大大見誚，你亦欲永遠受剪除。 |
| 1:11 | 當你徛佇邊頭的日，外人搶伊的財物，異邦人入伊的城門，為耶路撒冷拈鬮，彼日你親像𪜶中間的一個。 |
| 1:12 | 當你的兄弟的日，就是伊抵著患難的日，你呣應該徛啲看；猶大人受滅的日，你呣應該為著按呢來歡喜；𪜶抵著災難的日，你呣應該講大話。 |
| 1:13 | 我的百姓抵著災禍的日，你呣應該入伊的門；𪜶抵著災禍的日，你呣應該看𪜶啲受苦；𪜶抵著災禍的日，你呣應該摸著𪜶的財物； |
| 1:14 | 你呣應該徛佇雙叉路，截𪜶中間逃走的人；𪜶抵著災難的日，你呣應該將𪜶剩的人交付對敵。 |
| 1:15 | 因為耶和華辦理萬國的日近啦。照你所行的，也欲按呢行佇你；你所做的欲歸佇你的頭殼。 |
| 1:16 | 因為親像恁佇我的聖山曾飲，萬國也欲親像按呢長長飲；亦飲也吞落去，𪜶就欲歸佇無。 |
| 1:17 | 佇錫安山欲有逃脫的人，亦欲成做聖；雅各家欲得著伊本有的業。 |
| 1:18 | 雅各家欲成做火；約瑟家欲成做火焰；以掃的家欲做稻稿；火欲燒來滅伊。以掃的家欲無留一個。因為耶和華有講伊。 |
| 1:19 | 南方的人欲得著以掃的山；平洋的人欲得著非利士，亦欲得著以法蓮的田及撒瑪利亞的田；便雅憫人欲得著基列。 |
| 1:20 | 以色列軍隊諸個受掠者欲得著屬迦南人的地，直到撒勒法；踮佇西法拉受掠的耶路撒冷人欲得著南方的城。 |
| 1:21 | 欲有諸個拯救者上錫安山，來審判以掃的山；國度就歸耶和華。 |
- 本章節結束 -
