走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
約拿書是用敘事體裁寫成的，書中描寫一個企圖違背 神命令的先知所經歷的故事。 神命令約拿往以列的世仇---亞述帝國的首都---尼尼微去，但他不願意把 神的信息帶到那地方，因為他認為 神不會覆行毀滅那大城的諾言。經過若干戲劇性的事件後，約拿終於勉強服從命令，但最後仍因他所宣佈的信息沒有實現而深感不悅。
| 1:1 | 耶和華的話臨到亞米太的子約拿，講： |
|---|---|
| 1:2 | 「你起來去尼尼微彼個大城，出聲警戒𪜶，因為𪜶的罪惡透到我面前。」 |
| 1:3 | 若是約拿起來，愛走去他施閃避耶和華；落去約帕，抵著一隻船，欲去他施。伊就互伊船稅，搭彼隻船，欲及𪜶去他施閃避耶和華。 |
| 1:4 | 總是耶和華互海起大風，海中風湧真透，致到船欲破。 |
| 1:5 | 水手真驚，逐人哀求伊的上帝。𪜶用船內的貨物㧒落海，因為欲互船卡輕。獨獨約拿已經落船肚底，倒啲好睏。 |
| 1:6 | 舵公到伊遐對伊講：「你此個好睏的人啊，啥事按呢？起來，求叫你的上帝，豈採上帝看顧咱，互咱免滅無。」 |
| 1:7 | 𪜶相及講：「來啊，咱來拈鬮，看咱抵著此個災禍是因為甚麼人的緣故。」對按呢𪜶拈鬮，就拈著約拿。 |
| 1:8 | 𪜶對伊講：「請你給阮講，咱抵著此個災禍是因為甚麼人的緣故？你做甚麼事業？你對叨落來？你的本所在佇叨落？你屬甚麼族？」 |
| 1:9 | 伊應講：「我是希伯來人。我敬畏天頂的上帝耶和華──創造大海及乾地者。」 |
| 1:10 | 許個人就大驚，對伊講：「你所做的是甚麼事啊？」因為許個人知伊閃避耶和華，是伊已經給𪜶講啦。 |
| 1:11 | 𪜶給伊講：「阮著怎樣款待你，互海平定？」因為海湧愈起愈大。 |
| 1:12 | 伊給𪜶講：「恁掠我㧒落海，海就平定；因為我知恁抵著此個大風是為著我的緣故。」 |
| 1:13 | 若是許個人盡力划槳，愛倚近山，總是𣍐會，因為海湧愈起愈大。 |
| 1:14 | 對按呢𪜶求叫耶和華講：「耶和華啊，阮切切求你，莫得因為此人的生命互阮死無，莫得用無罪的血歸佇阮；因為耶和華──你是照家己的意思來行。」 |
| 1:15 | 𪜶就掠約拿㧒落海，海的大湧就平定。 |
| 1:16 | 許個人就大大敬畏耶和華，獻祭互耶和華，閣下願。 |
| 1:17 | 耶和華備辦大魚吞約拿，約拿佇魚腹肚內三日三暝。 |
- 本章節結束 -
下一章