走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
先知彌迦相信猶大將遭遇國難，阿摩司預言北國將遭遇的相同；基於同一理由， 神將懲罰人民的不義。但是，彌迦所傳的信息更明確地提示了將來的盼望。有一句名言：「他向你所要的是甚麼呢？只要你行公義，好憐憫，存謙卑的心，與你的 神同行。」
| 1:1 | 耶和華的話臨到摩利沙人彌迦，就是佇猶大王約坦、亞哈斯、希西家的時，所看見論到撒瑪利亞及耶路撒冷的事。 |
|---|---|
| 1:2 | 諸個百姓啊，恁攏著聽！地及其中所有的，亦著俯耳孔！主耶和華就是對伊的聖殿出來的主欲干證恁的呣著。 |
| 1:3 | 看啊，耶和華對伊的所在出來，伊欲降臨踏佇地高的所在。 |
| 1:4 | 眾山佇伊的下面消溶，眾山谷離開，親像蠟倚近火，親像水流落山坪。 |
| 1:5 | 這攏是因為雅各的罪過，以色列家的罪惡，雅各的罪過是甚麼？豈呣是撒瑪利亞嗎？猶大的山頭壇是甚麼？豈呣是耶路撒冷嗎？ |
| 1:6 | 所以我欲互撒瑪利亞變做田裡的土堆，閣做種葡萄的所在；亦欲將伊的石頭傾落山谷中，來露出伊的地基。 |
| 1:7 | 伊一切雕刻的偶像欲受拍碎；伊所得著人送的財物，欲互火燒去；所有的佛，我欲互伊荒廢；因為伊用娼妓的工錢來積聚，後來欲歸佇娼妓做工錢。 |
| 1:8 | 因為按呢，我欲大聲啼哭，赤身露體來行；閣欲喉叫親像山狗，哀傷親像駝鳥。 |
| 1:9 | 因為伊的傷𣍐醫得，此個事已經近猶大的所在，到我的百姓的城門就是耶路撒冷。 |
| 1:10 | 莫得報告佇迦得，攏莫得啼哭；我佇伯亞弗拉翱佇塵埃的中間。 |
| 1:11 | 沙斐徛起的百姓啊，恁著褪裼見誚過去。撒南徛起的百姓無出來。伯以設人啼哭，互恁無所在通歇腳。 |
| 1:12 | 瑪律徛起的百姓苦心欣慕福氣，因為災禍對耶和華遐到耶路撒冷的城門。 |
| 1:13 | 拉吉徛起的百姓啊，著用車套𠢕走的馬；伊做錫安的百姓犯罪的起頭；以色列的罪過佇你遐發現。 |
| 1:14 | 所以你著用禮物給摩利設迦特送行。亞革悉諸個家欲用詭計款待以色列諸個王。 |
| 1:15 | 瑪利沙徛起的百姓啊，我欲互承受你的業的到你遐；以色列的榮光欲到亞杜蘭。 |
| 1:16 | 你著為你所歡喜的子，剃你的頭毛，互伊光裸裸，無剩半支，親像臭頭的鷹鳥，因為𪜶攏受掠離開你。 |
- 本章節結束 -
下一章