走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 2:1 | 佇眠床圖謀罪過、造作奸惡者！到天光，因為手有力就去行伊，此號人有災禍啊！ |
|---|---|
| 2:2 | 𪜶貪人的田園就搶伊，貪人的厝宅就佔伊；𪜶壓制人及伊的家，就是人及伊的產業。 |
| 2:3 | 所以耶和華按呢講：看啊，我圖謀降災禍佇此個族；恁𣍐會互伊脫離恁的頷頸；恁也𣍐會頭殼抬高高來行，因為此個時勢真歹。 |
| 2:4 | 到彼日，人欲用俗語批評恁，閣欲用哀慘的哀歌，來哀傷講：阮攏衰敗！伊變換我的百姓的份額，伊移徙伊離開我到怎樣啊？伊將阮的田地分互悖逆的人。 |
| 2:5 | 所以佇耶和華的大會中，你的確無人通拈鬮牽繩線。 |
| 2:6 | 𪜶宣傳講：恁呣通宣傳；𪜶無欲宣傳諸個事；凌辱無欲息。 |
| 2:7 | 恁得著稱做雅各的家啊，耶和華的神豈是狹窄嗎？諸個事豈是伊所做嗎？我的話豈無利益行正直的人嗎？ |
| 2:8 | 總是，近日我的百姓起來親像對敵，對許個安然經過，呣愛交戰的人，搶伊的外衫及內衫。 |
| 2:9 | 我的百姓的婦仁人，恁趕𪜶出𪜶安樂的家，閣將我的榮光對𪜶的細子永遠搶去。 |
| 2:10 | 起來啊！去啊！遮呣是恁安息的所在；因為地已經互污穢所敗壞，伊的敗壞是傷重。 |
| 2:11 | 若有人講荒唐，及白賊話，講：我欲對恁宣傳薄酒及厚酒。就此人欲做諸個百姓的先知。 |
| 2:12 | 雅各啊，我的確欲聚集恁，我的確欲招集以色列剩的人，我欲安置𪜶佇一所在，親像波斯拉的羊，閣親像草場中的羊群；因為人額多欲大大喧嘩。 |
| 2:13 | 攻破者佇𪜶的頭前上去；𪜶攻破直直經過到城門，閣對遐出來。𪜶的王做頭行；耶和華導𪜶去。 |
