走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 6:1 | 今著聽耶和華所講的！起來，你著佇諸個山的面前辯論，互諸個山嶺聽見你的聲。 |
|---|---|
| 6:2 | 諸個山及地堅固的根基啊，著聽耶和華爭辯的話！因為耶和華欲及伊的百姓爭辯，閣欲及以色列排情理。 |
| 6:3 | 我的百姓啊，我曾對你做甚麼？我有甚麼互你為難？你通對我指出。 |
| 6:4 | 我曾導你出埃及地，救贖你脫離做奴才的厝；差摩西、亞倫、米利暗佇你的面前。 |
| 6:5 | 我的百姓啊，恁著記得摩押王巴勒所計謀的及比珥的子巴蘭應伊的話，對什亭到吉甲的事，通互恁知耶和華所行的公義。 |
| 6:6 | 我就近耶和華，跪拜至高的上帝，著用甚麼啊？著用燒祭抑是滿年的牛仔來就近伊啊？ |
| 6:7 | 耶和華歡喜千千隻的公羊嗎？抑是萬萬條溪的油嗎？我著為家己的罪過獻我的大子嗎？為著我心內的罪惡獻我本身所生的嗎？ |
| 6:8 | 人啊，伊曾指示你甚麼是好。耶和華愛你甚麼？獨獨愛你行公義，心存憐憫，謙卑及你的上帝相及行。 |
| 6:9 | 耶和華的聲對城啲叫，智慧者欲敬畏你的名。恁著聽枴仔，也是誰定著伊。 |
| 6:10 | 歹人的家猶有不義的錢嗎？猶有可惡的細伊法嗎？ |
| 6:11 | 我若用無公道的天秤，袋仔內有假的秤錘，豈會算做清氣嗎？ |
| 6:12 | 許個好額人滿滿強暴；徛起的百姓講白賊話，𪜶的嘴舌詭譎。 |
| 6:13 | 所以，我拍你，互你受重傷，因為你的罪互你荒廢。 |
| 6:14 | 你欲食，總是食𣍐飽；你的空虛欲佇你內面。你欲搬徙，總是𣍐會安然帶物件去；你所帶去者，我攏欲交互刀劍。 |
| 6:15 | 你欲撒種，亦無通收割；踏橄欖，亦無得著油通抹；踏葡萄，亦無酒通飲。 |
| 6:16 | 因為你守暗利的律法，及亞哈的家一切的所行，順趁𪜶的計謀；致到我互你荒廢，互徛起佇遐的百姓受人恥笑，恁也欲擔當我的百姓的凌辱。 |
