走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 3:1 | 我講：雅各諸個首領，以色列家諸個官長啊，恁著聽！恁豈呣著知影公平嗎？ |
|---|---|
| 3:2 | 恁怨恨好愛歹，剝人的皮，對𪜶的骨剔肉。 |
| 3:3 | 亦食我的百姓的肉，剝𪜶的皮，遏折𪜶的骨頭，切歸塊親像欲落鍋，閣親像鼎內的肉。 |
| 3:4 | 彼時𪜶欲求叫耶和華，若是伊無欲應𪜶。彼時伊欲照𪜶所行的歹代對𪜶掩面。 |
| 3:5 | 耶和華論到許個互我的百姓行錯路的先知按呢講，𪜶的嘴齒若有物通哺，就叫講：平安啊！人若無用物塞𪜶的嘴，𪜶就備辦交戰攻擊伊。 |
| 3:6 | 所以恁欲抵著暗暝，致到𣍐看見異像；閣欲抵著黑暗，致到𣍐占卜。許個先知欲抵著親像日落，亦抵著日時變黑暗。 |
| 3:7 | 彼時先見者見誚，占卜者漏氣，攏欲掩𪜶的嘴唇，因為上帝無聽𪜶。 |
| 3:8 | 若是我，我對耶和華的神，有氣力、有公平、有才能滿滿，通對雅各講明伊的過失，對以色列指出伊的罪惡。 |
| 3:9 | 雅各的首領、以色列家的官長，怨恨公平，枉屈正直者啊；恁著聽！ |
| 3:10 | 𪜶用血建立錫安，用罪惡起造耶路撒冷。 |
| 3:11 | 𪜶的首領為著賄賂來審判；𪜶的祭司為著工錢來教示；𪜶的先知為著銀來占卜。𪜶猶久倚靠耶和華，講：耶和華豈無佇咱中間嗎？災禍無臨到咱。 |
| 3:12 | 所以因為恁的緣故，錫安欲互人犁親像田園，耶路撒冷欲變做土堆；此個殿的山欲親像樹林高的所在。 |
