走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 4:1 | 到許個日的了後，耶和華殿的山欲建立，佇諸個山的頂面，𨃟過攏總的山嶺；萬國的百姓攏欲來歸伊。 |
|---|---|
| 4:2 | 有多多國欲去，講：來啊，咱上耶和華的山，到雅各的上帝的殿。伊欲用伊的道路教示咱；咱也欲行伊的路。因為律法欲對錫安出；耶和華的話欲對耶路撒冷傳報。 |
| 4:3 | 伊欲佇多多國的百姓中行審判，為著多多遠遠強猛的國來解決。𪜶欲將𪜶的刀拍做犁頭，將𪜶的槍拍做鐮仔。此國無抬刀攻擊彼國；𪜶也無閣學習交戰。 |
| 4:4 | 人人攏欲坐佇伊家己的葡萄樹腳，及家己的無花果樹腳，無人互伊驚。因為這是萬軍的耶和華親嘴講的。 |
| 4:5 | 萬百姓逐個奉伊的上帝的名來行；總是阮欲奉阮的上帝──耶和華的名來行，直到永遠。 |
| 4:6 | 耶和華講：到彼日，我欲聚集跛腳者，招集受趕出者及我所曾互伊受苦者。 |
| 4:7 | 我欲互跛腳者做所剩的百姓，互受趕到遠遠者做強的國。耶和華欲佇錫安山做王治理𪜶，對今到永遠。 |
| 4:8 | 論到你做歸群羊的守更樓、做錫安城的山啊，國權欲歸佇你──閣早時的國權，耶路撒冷城的國位──攏欲歸佇你。 |
| 4:9 | 今你啥事大聲啼哭啊？痛苦擒著你，親像欲生子的婦仁人，是因為恁中間無王嗎？恁的謀士死無嗎？ |
| 4:10 | 錫安的查某子啊，你著痛疼艱苦，親像生子的婦仁人；因為你欲出城，徛起佇田裡，欲到巴比倫。佇遐得著救；耶和華欲佇遐贖回你脫離你的對敵的手。 |
| 4:11 | 今多多國的百姓聚集攻擊你，講：願錫安受染垃墋！互阮親目看見！ |
| 4:12 | 總是𪜶呣知耶和華的意思，也無明白伊的計劃。伊聚集𪜶，親像稻把聚集佇五穀場。 |
| 4:13 | 錫安的查某子啊，起來踏五穀！我欲互你的角成做鐵，互你的蹄成做銅。你欲拍碎多多國的百姓，將𪜶所搶的物獻互耶和華，將𪜶的錢財獻互普天下的主。 |
