走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 3:1 | 耶和華的話第二擺臨到約拿講： |
|---|---|
| 3:2 | 「你起來！去尼尼微彼個大城，我所命令你傳的，你傳互伊。」 |
| 3:3 | 約拿就照耶和華的話起來，去尼尼微。尼尼微是極大的城，著行三日才會。 |
| 3:4 | 約拿入城起身行一日的路，傳講：「閣四十日，尼尼微欲倒壞！」 |
| 3:5 | 尼尼微人信上帝，就宣佈禁食，對大到細攏穿麻衫。 |
| 3:6 | 此個消息傳到互尼尼微王聽見，伊就對伊的座位起來，褪伊的禮服，穿麻，坐佇火灰。 |
| 3:7 | 閣出告示，照王及貴族的命令傳互尼尼微通城，講：「人及精牲，牛群、羊群攏呣通食，呣通飲水，連試看也呣通。 |
| 3:8 | 人及精牲攏著穿麻；大聲求叫上帝。逐人也著離開伊的歹路，及伊的手所做的強暴。 |
| 3:9 | 豈採上帝回心轉意，挽回伊的大受氣，互咱無滅無也敢。」 |
| 3:10 | 對按呢上帝看𪜶的行做，有離開𪜶的歹路，上帝就退悔伊所講欲降互𪜶的災禍，亦無降落。 |
