走到哪裡都有麥子
走出你的個人世界 WITH

走到哪裡都有麥子～

聯繫我們

聯繫資訊

新北市永和郵局238號信箱 (02)2926-5882 .0987-300-005 服務信箱：info@awheat.org 捐款支持

線上台語聖經

麥穗田首頁 線上台語聖經

台語聖經

經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -

  哈該書  第2章

章節快速選擇 :   
1
2
上下篇聖經查閱： 西番雅書    撒迦利亞書     回到目錄
2:1 七月二十一日，耶和華的話託先知哈該講：
2:2 「你著給猶大的總督撒拉鐵的子所羅巴伯及約撒答的子祭司頭約書亞，以及所剩的百姓，講：
2:3 恁中間猶佇啲的人，有是誰曾看見此間殿從前的榮光嗎？現在恁看了怎樣啊？豈呣是佇恁的目睭看親像無嗎？」
2:4 耶和華講：「所羅巴伯啊，你著勇敢！約撒答的子祭司頭約書亞啊，你亦著勇敢！」耶和華閣講：「此所在的百姓啊，恁亦著勇敢！亦著做工，因為我及恁佇啲。這是萬軍的耶和華講的。
2:5 當恁出埃及的時我及恁立約的話。我的神踮佇恁中間，恁莫得驚。」
2:6 因為萬軍的耶和華按呢講：「閣無偌久，我欲閣一擺振動天、及地、及海，及乾地。
2:7 我欲振動萬國；萬國所欣慕者欲來，我就互榮光充滿此間殿。這是萬軍的耶和華講的。」
2:8 萬軍的耶和華講：「銀是我的，金亦是我的。
2:9 此間殿後來的榮光欲贏過前的榮光；這是萬軍的耶和華講的；閣佇此個所在我欲賞賜平安。這是萬軍的耶和華講的。」
2:10 大利烏王二年九月二十四日，耶和華的話託先知哈該講：
2:11 萬軍的耶和華按呢講：「關係佇律法你通問祭司，
2:12 講：設使有人用衫仔裾包聖的肉，此個衫仔裾倚著餅，抑是湯，抑是酒，抑是油，抑是別號食物，就此個物成做聖嗎？」祭司應講：「無啦。」
2:13 哈該閣講：「設使有人摸著身屍染垃墋，來倚著諸個物的一項，此個物成做污穢嗎？」祭司應講：「成做污穢。」
2:14 哈該就應講：「耶和華講：佇我的面前，此個百姓是親像按呢，此個國也是按呢；𪜶的手所做逐號的工也攏是按呢；𪜶佇遮所獻的無清氣。」
2:15 今請恁想，此日以前，耶和華的殿猶未有石褡佇石頂的時。
2:16 歷過許個時，人來到五穀堆，想欲得著二十斗，只有十斗。有人來到酒窟，想欲得著五十甕，只有得著二十甕。
2:17 佇恁的手所做一切的工，我用枯焦、朽爛、大雹拍恁，恁猶久無歸向我，。這是耶和華講的。
2:18 請恁想此日以前，對九月二四日，建立耶和華殿的地基的時恁著想伊。
2:19 粟倉猶有種子嗎？葡萄樹、無花果樹、石榴樹、橄欖樹攏未有結果子。對今仔日起，我欲賜福恁。
2:20 彼月二十四日，耶和華的話第二擺臨到哈該講：
2:21 「你著給猶大的總督所羅巴伯講：我欲振動天及地。
2:22 我欲捙倒列國的寶座，除滅逐邦國的勢力，亦欲捙倒戰車及坐車者。馬及馬兵攏欲倒落去，逐個對伊的兄弟的刀來死。
2:23 萬軍的耶和華講：我的奴僕撒拉鐵的子所羅巴伯啊，當彼日，我欲召你，耶和華講伊；閣我欲用你做手指印，因為我曾揀選你。這是萬軍的耶和華講的。」

- 本章節結束 -

上一章