走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
撒迦利亞書可分為兩部份：一、一至八章記載先知撒迦利亞的預言。這些預言多半以異象方式表達，內容包括關於耶路撒冷的復興 、聖殿的重建、 神子民的蒙潔淨，和彌賽亞時代的來臨。二、九至十四章是集較後期的信息而成的；這些信息是關於盼望中的彌賽亞和最後的審判。
| 1:1 | 大利烏二年八月，耶和華的話臨到易多的孫、比利家的子先知撒迦利亞，講： |
|---|---|
| 1:2 | 「耶和華曾大受氣恁的列祖。 |
| 1:3 | 所以你著給𪜶講，萬軍的耶和華按呢講：恁著越轉來尋我；萬軍的耶和華講：我亦欲越轉來尋恁。這是萬軍的耶和華講的。 |
| 1:4 | 莫得學恁的列祖。前的先知曾叫𪜶講，萬軍的耶和華按呢講：『恁著回頭離開恁的歹路及恁的歹所行。』總是𪜶呣俯耳孔，也呣聽我。這是耶和華講的。 |
| 1:5 | 恁的列祖佇叨落啊？許個先知會永遠活啲嗎？ |
| 1:6 | 總是我的言語，我的律例，我所吩咐我諸個奴僕先知者，豈無到佇恁的列祖嗎？𪜶就回頭，講：『萬軍的耶和華按算欲照咱的所行所做施行佇咱，伊已經照按呢款待咱啦。』」 |
| 1:7 | 大利烏二年十一月，就是細罷特月二十四日，耶和華的話臨到易多的孫、比利家的子先知撒迦利亞，講： |
| 1:8 | 「我暝時觀看，看啊，有一人騎赤馬，徛佇低地岡拈樹的中間。佇伊的後面閣有赤色、黃色、白色的馬。」 |
| 1:9 | 我講：「我的主啊，這是甚麼？」及我講的使者就給我講：「我欲指示你知諸個是甚麼。」 |
| 1:10 | 彼個徛佇岡拈樹中間的人應講：「這是耶和華所差往來佇地上者。」 |
| 1:11 | 𪜶就應彼個徛佇岡拈樹中耶和華的使者講：「阮已經往來佇地上，看啊，全地安然平定。」 |
| 1:12 | 對按呢，耶和華的使者應講：「萬軍的耶和華啊，你受氣耶路撒冷及猶大諸個城已經七十年，你無施憐憫欲到底時啊？」 |
| 1:13 | 耶和華就用好話，安慰的話，應彼個及我講話的使者。 |
| 1:14 | 及我講話的使者對我講：「你著出聲講，萬軍的耶和華按呢講：我為著耶路撒冷為著錫安，熱心到極。 |
| 1:15 | 我真受氣許個安然徛起的列國，因為我前只有小可受氣，𪜶就加添伊的艱苦。 |
| 1:16 | 所以耶和華按呢講：今我倒轉來耶路撒冷，施憐憫，我的殿欲閣起佇彼中間，繩索欲牽佇耶路撒冷的頂面。這是萬軍的耶和華講的。 |
| 1:17 | 你著閣出聲講，萬軍的耶和華按呢講：我諸個城欲閣豐盛發達。耶和華欲閣安慰錫安，閣揀選耶路撒冷。」 |
| 1:18 | 我抬目觀看，看啊，有四支角。 |
| 1:19 | 我就問及我講話的使者講：「諸個是甚麼？」伊應我講：「諸個就是拍散猶大、以色列，及耶路撒冷諸個角。」 |
| 1:20 | 耶和華閣互我看見四個師傅。 |
| 1:21 | 我講：「𪜶來欲做甚麼？」伊應講：「許個是拍散猶大的角，互人呣敢抬頭；總是諸個師傅來是欲互𪜶驚，拍倒列國的角，就是曾舉起𪜶的角攻擊猶大互伊四散者。」 |
- 本章節結束 -
下一章