走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 7:1 | 大利烏王四年九月，就是基斯流月初四，耶和華的話臨到撒迦利亞。 |
|---|---|
| 7:2 | 彼時伯特利人已經差沙利色及利堅米勒，及隨𪜶的人去求恩佇耶和華， |
| 7:3 | 也問萬軍的耶和華殿內的祭司以及先知講：「我歷年以來，佇五月間啼哭家己分別，今猶久著按呢行嗎？」 |
| 7:4 | 萬軍的耶和華的話臨到我講： |
| 7:5 | 「你著給此所在的眾百姓及祭司，講：『恁七十年久，佇五月、七月禁食悲哀豈是為著我，為著我禁食嗎？ |
| 7:6 | 恁或是食或是飲，豈呣是恁啲食，恁啲飲嗎？ |
| 7:7 | 當耶路撒冷及四圍的城有徛起的百姓閣豐盛，南方及平洋有人徛起的時，耶和華託仗前的先知所宣傳的話，恁豈呣著聽嗎？』」 |
| 7:8 | 耶和華的話閣臨到撒迦利亞講： |
| 7:9 | 「萬軍的耶和華曾按呢講：『著照真實的公平來審判，大家用慈愛憐憫來相款待。 |
| 7:10 | 呣通欺負寡婦、孤兒、出外人、及喪鄉人。呣通心內計謀歹代來相陷害。』」 |
| 7:11 | 總是𪜶呣肯聽趁，越轉肩頭悖逆，塞密𪜶的耳孔致到𣍐聽， |
| 7:12 | 閣互𪜶的心硬親像鑽石，免得聽律法及萬軍的耶和華用伊的神託前的先知所講的話。所以，萬軍的耶和華大大發受氣。 |
| 7:13 | 因為伊曾叫：「𪜶呣聽，按呢𪜶欲叫，我也呣聽！這是萬軍的耶和華講的。 |
| 7:14 | 若是我欲用捲螺風吹散𪜶到𪜶所呣識的列國。按呢，此個地佇𪜶去的了後變做拋荒，致到無人往來經過，因為𪜶互通歡喜的地拋荒啦。」 |
