走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 10:1 | 當春天的雨的時，恁著對耶和華求雨，就是發出閃爁的耶和華。伊欲給𪜶落多多陣的雨，互逐人有田園的菜蔬。 |
|---|---|
| 10:2 | 因為家內的偶像講白賊；占卜的看虛假；講無影跡的夢空空安慰人。所以𪜶迷路親像羊，閣因為無牧者致到受困苦。 |
| 10:3 | 我的受氣對許個牧者發作；我也欲辦理許個公的山羊；因為萬軍的耶和華看顧伊的羊群，就是猶大家，互𪜶親像伊的好馬佇戰陣。 |
| 10:4 | 厝角石對伊出，堅固的釘也對伊出，交戰的弓也對伊出，諸個掌權的也對伊出。 |
| 10:5 | 𪜶欲親像勇士佇戰陣踏對敵佇街路的土糜中。𪜶欲交戰，因為耶和華及𪜶佇啲；見若騎馬的無呣見誚。 |
| 10:6 | 我欲堅固猶大家，拯救約瑟的家，欲導𪜶倒來。因為我憐憫𪜶；𪜶欲親像我未曾棄拺𪜶的款，因為我是耶和華──𪜶的上帝，我欲疼𪜶。 |
| 10:7 | 以法蓮欲親像勇士；𪜶的心歡喜親像飲酒；𪜶的子兒欲看見來歡喜；𪜶的心欲因為耶和華快樂。 |
| 10:8 | 我欲出口號，來聚集𪜶，因為我已經救贖𪜶。𪜶欲加添，親像𪜶前的加添。 |
| 10:9 | 我雖然四散𪜶佇列國中，𪜶欲佇遠的所在紀念我。𪜶及𪜶的子兒攏欲活啲，閣倒來， |
| 10:10 | 我欲閣互𪜶對埃及倒來，聚集𪜶出亞述，導𪜶到基列地及黎巴嫩；也無夠額所在通互𪜶徛起。 |
| 10:11 | 伊欲經過苦難的海，攻擊海中的波浪，尼羅河深的所在欲攏乾去。亞述的驕傲欲降低；埃及的權柄欲無去。 |
| 10:12 | 我欲互𪜶佇耶和華勇壯；閣託伊的名行來行去。這是耶和華講的。 |
