走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
先知瑪拉基號召祭司和人民重新立志，信守跟 神所立的約。顯然地，當時 神的人民生活腐敗，對於敬拜的事也很疏忽。祭司和人民都斯騙 神，不把應奉獻給 神的禮物交上，也不依照神的教導生活。但是耶和華要來審判和潔淨他的子民，要差遣他的使者前來開路，並宣佈他的約。
| 1:1 | 耶和華默示的話託仗瑪拉基傳互以色列的。 |
|---|---|
| 1:2 | 耶和華講：「我有疼恁。」總是恁講：「你佇甚麼事疼阮啊？」耶和華講：「以掃豈呣是雅各的兄嗎？總是我疼雅各， |
| 1:3 | 怨恨以掃。互伊的山荒廢，用伊的業交互曠野的山狗。」 |
| 1:4 | 以東講：「阮現在雖然毀壞，猶久欲閣起荒廢的所在。」萬軍的耶和華按呢講：「𪜶欲起伊，我欲毀伊；人欲稱伊做『罪惡的境界』；做『耶和華永遠受氣的百姓』。」 |
| 1:5 | 恁欲親目看見，也欲講：「佇以色列境界的外面，耶和華欲做大！」 |
| 1:6 | 「看輕我的名的祭司啊，萬軍的耶和華對恁講：子尊敬伊的老父，奴僕尊敬伊的主人；我若做父，我得著尊敬佇叨落？我若做主人，我得著敬畏佇叨落？恁就講：『阮佇甚麼事看輕你的名啊？』 |
| 1:7 | 恁用無清氣的餅獻佇我的壇，猶閣講：『阮佇甚麼事褻瀆你啊？』因為恁講，耶和華的桌是通看輕的。 |
| 1:8 | 恁將睛暝的精牲獻做祭物，這豈呣是歹嗎？將跛腳、抑是有病的精牲來獻，這豈呣是歹嗎？恁試獻互恁的總督，伊欲歡喜恁，接納恁嗎？這是萬軍的耶和華講的。「 |
| 1:9 | 今勸恁，懇求上帝施恩寬容咱。此個事，對恁的手才有，伊豈欲接納恁中間一人嗎？這是萬軍的耶和華講的。 |
| 1:10 | 願恁中間有人關殿門，免得恁空空佇我的壇起火。萬軍的耶和華講：我無歡喜恁，亦無欲對恁的手接納禮物。 |
| 1:11 | 萬軍的耶和華講：對日出到日落的所在，我的名做大佇列邦中。逐所在，奉我的名燒香，獻清氣的禮物，因為我的名做大佇列邦中。 |
| 1:12 | 總是恁褻瀆伊，講：『耶和華的桌無清氣，伊的頂面的食物是通看輕的。』 |
| 1:13 | 恁閣講：『看啊，到許囉唆費氣！』亦掩鼻厭賤伊。這是萬軍的耶和華講的。恁用所搶者、跛腳者、破相者提來獻做禮物。我豈欲對恁的手接納嗎？這是耶和華講的。 |
| 1:14 | 假好的人佇歸群中有公的精牲，伊下願就用有瑕疵的獻互主，此號的人通咒詛。因為我是大君王，我的名佇列國中是通驚畏者。這是萬軍的耶和華講的。」 |
- 本章節結束 -
下一章