走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
目的：向猶太人或猶太人基督徒說明拿撒勒人耶穌，藉著應驗了先知的話，成為那應許的彌賽亞王。衪所帶來的天國是一個屬靈的國度。
| 1:1 | 亞伯拉罕的後裔，大衛的後裔，耶穌基督的家譜： |
|---|---|
| 1:2 | 亞伯拉罕生以撒；以撒生雅各；雅各生猶大及伊的兄弟； |
| 1:3 | 猶大對代瑪氏生法勒斯及謝拉；法勒斯生以斯崙；以斯崙生亞蘭； |
| 1:4 | 亞蘭生亞米拿達；亞米拿達生拿順；拿順生撒門； |
| 1:5 | 撒門對喇合氏生波斯；波斯對路得氏生俄伯；俄伯生耶西； |
| 1:6 | 耶西生大衛王。大衛對烏利亞的某生所羅門； |
| 1:7 | 所羅門生羅波安；羅波安生亞比亞；亞比亞生亞撒； |
| 1:8 | 亞撒生約沙法；約沙法生約蘭；約蘭生烏西亞； |
| 1:9 | 烏西亞生約坦；約坦生亞哈斯；亞哈斯生希西家； |
| 1:10 | 希西家生瑪拿西；瑪拿西生亞們；亞們生約西亞； |
| 1:11 | 百姓受遷徙到巴比倫的時，約西亞生耶哥尼亞及伊的兄弟。 |
| 1:12 | 遷徙到巴比倫了後，耶哥尼亞生撒拉鐵；撒拉鐵生所羅巴伯， |
| 1:13 | 所羅巴伯生亞比勿；亞比勿生以利亞金；以利亞金生亞所； |
| 1:14 | 亞所生撒督；撒督生亞金；亞金生以律； |
| 1:15 | 以律生以利亞撒；以利亞撒生馬但；馬但生雅各； |
| 1:16 | 雅各生約瑟，就是馬利亞的丈夫，稱做基督的耶穌，是對此個馬利亞生的。 |
| 1:17 | 按呢，對亞伯拉罕到大衛，共十四代；對大衛到遷徙去巴比倫的時亦十四代；對遷徙去巴比倫的時到基督，閣十四代。 |
| 1:18 | 耶穌基督的出世記佇下底：伊的老母馬利亞，已經做約瑟定著，猶未娶過門，就對聖神有娠孕。 |
| 1:19 | 伊的丈夫約瑟是義的人，呣愛顯然辦伊，按算欲暗靜廢親。 |
| 1:20 | 啲想的時，有主的天使佇伊的眠夢中出現，講：「大衛的後裔約瑟啊，無得驚！著娶你的某馬利亞過門，因為伊所懷孕的是對聖神。 |
| 1:21 | 伊欲生子，你著叫伊的名做耶穌，因為伊欲救伊的百姓脫出𪜶的罪惡。」 |
| 1:22 | 此個事攏成，是欲應驗主託先知所講的， |
| 1:23 | 講：你看，在室女欲娠孕生子；人欲叫伊的名做以馬內利。（翻譯就是「上帝及咱佇啲」。） |
| 1:24 | 約瑟睏醒，起來，照主的天使所命令去行，娶伊的某過門； |
| 1:25 | 無及伊同房，到伊生子，就叫伊的名做耶穌。 |
- 本章節結束 -
下一章