走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 18:1 | 當彼時，學生就近耶穌講：「佇天國甚麼人最大？」 |
|---|---|
| 18:2 | 耶穌就叫一個細漢囝仔，互伊徛佇𪜶中間， |
| 18:3 | 講：「我實在給恁講，恁若無越轉來成做親像細漢囝仔的，決斷𣍐入天國。 |
| 18:4 | 所以見若家己謙卑親像此個細漢囝仔的，伊佇天國就是最大。 |
| 18:5 | 見若佇我的名接納此號細漢囝仔的一個，就是接納我。」 |
| 18:6 | 「見若互諸個信我的微小的一個受塞礙，彼人寧可有大石磨吊伊的頷頸，沈佇深海。 |
| 18:7 | 此世間有災禍啊，對有塞礙人的事；因為塞礙的事𣍐免得有，總是塞礙的事對是誰來，彼人有災禍！ |
| 18:8 | 設使你一手、一腳，塞礙你，就著斬㧒擲。你破相抑是跛腳，入佇活是好，卡得二手二腳㧒落永遠的火。 |
| 18:9 | 設使你一目塞礙你，就著挖㧒擲。你一目入佇活是好，卡得二目㧒落地獄的火。」 |
| 18:10 | 「恁著謹慎，莫得看輕諸個微細中的一個；因為我給恁講，𪜶的天使佇天裡，常常見我佇天裡的父的面。 |
| 18:11 | 恁拍算怎樣？人若有一百隻羊來拍呣見一隻，豈無且放下彼九十九隻，去山裡尋彼隻拍呣見的嗎？ |
| 18:12 | ｛人子到，是欲拯救失落的。」〔台語羅馬譯本無此節！〕｝ |
| 18:13 | 若果然尋著，我實在給恁講，伊為著彼隻歡喜，贏過九十九隻無拍呣見的！ |
| 18:14 | 按呢諸個微細中的一個沈淪，也呣是恁佇天裡的父的旨意。」 |
| 18:15 | 「設使你的兄弟得罪你，就著去，干單你及伊佇啲的時，指明伊的呣著。伊若聽你，就得著你的兄弟； |
| 18:16 | 伊若呣聽，就著導一二人相及去，用二三人的嘴做干證，逐句話通做憑準。 |
| 18:17 | 若呣肯聽𪜶，就給教會講；若閣呣肯聽教會，就著看伊親像外邦人及抽餉的一樣。 |
| 18:18 | 「我實在給恁講，凡若恁佇地裡縛的，佇天裡也欲縛𪜶；凡若恁佇地裡解的，佇天裡也欲解𪜶。 |
| 18:19 | 我閣給恁講，設使恁中間二人佇地裡無論求甚麼，若是同心，就我佇天裡的父欲給𪜶做成。 |
| 18:20 | 因為不論甚麼所在，有二三人佇我的名聚集，我也佇𪜶中間。」 |
| 18:21 | 彼時，彼得倚來，給伊講：「主啊，我的兄弟得罪我，我赦免伊著幾擺？著七擺嗎？」 |
| 18:22 | 耶穌給伊講：「我無給你講著到七擺，就是到七十個七擺。 |
| 18:23 | 所以天國比並人君愛欲及伊的奴僕算數。 |
| 18:24 | 起頭算的時，有導一個欠伊千萬銀的來。 |
| 18:25 | 既然無通還，伊的主人命令著賣伊本身及伊的某子，連伊一切所有的來還。 |
| 18:26 | 彼個奴僕就仆啲拜伊，講：『主啊，著寬容我，我欲攏總還。』 |
| 18:27 | 奴僕的主人就憐憫，來放伊，閣赦免伊的債。 |
| 18:28 | 「彼個奴僕出去，抵著伊一個同做奴僕的欠伊一百個銀仔，就掠伊，叉伊的頷頸，講：『你所欠的著還！』 |
| 18:29 | 同做奴僕的仆啲求伊，講：『著寬容我，我欲還你。』 |
| 18:30 | 若是伊呣肯，就去給伊關落監，來聽候伊還所欠的。 |
| 18:31 | 諸個同做奴僕的看見此個代誌真憂悶，將攏總的事對主人講明。 |
| 18:32 | 對按呢伊的主人召伊來，給伊講：『歹的奴僕啊！因為你對我求，我就將你所欠的攏赦免， |
| 18:33 | 你豈呣著憐憫你同做奴僕的，親像我憐憫你？』 |
| 18:34 | 伊的主人受氣，將伊交代刑杖，聽候伊一盡還所欠的。 |
| 18:35 | 按呢恁逐人無用心赦免恁的兄弟，就我的天父也欲按呢款待恁。」 |
