走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 28:1 | 安息日後，七日的頭一日，天昲光，抹大拉的馬利亞及別個馬利亞來欲看彼個墓。 |
|---|---|
| 28:2 | 忽然，地大振動；因為主的天使對天落來，翱開彼塊石，來坐佇頂面。 |
| 28:3 | 伊的面貌親像閃爁，衫白親像雪。 |
| 28:4 | 顧守的人因為驚就愕愕惙，變親像死。 |
| 28:5 | 天使應許個婦仁人講：「恁呣免驚！因為我知恁啲尋釘十字架的耶穌。 |
| 28:6 | 伊無佇遮，因為伊已經復活，照伊所講的。恁來看主所倒的所在。 |
| 28:7 | 也著緊緊去給伊的學生講，伊對死人中復活，也欲代先恁去加利利，佇遐恁欲看見伊。我已經給恁講啦。」 |
| 28:8 | 𪜶緊緊離開墓，也驚也大歡喜，走去報伊的學生。 |
| 28:9 | 忽然耶穌抵著𪜶，講：「平安！」𪜶進前抱伊的腳，拜伊。 |
| 28:10 | 耶穌就給𪜶講：「呣免驚！去報我的兄弟，教𪜶去加利利，佇遐欲看見我。」 |
| 28:11 | 婦仁人去的時，顧守的兵有的入城，用所經過的事一盡報諸個祭司頭。 |
| 28:12 | 𪜶就及長老聚集相及參詳，用多多銀互兵，講： |
| 28:13 | 「恁著講：『阮啲睏的時，伊的學生暝時來偷去。』 |
| 28:14 | 設使此個代誌互總督聽見，阮就欲勸伊，互恁無事。」 |
| 28:15 | 𪜶提許個銀，照所教𪜶的去行。此個話就遍傳猶太人中，到佇今仔日。 |
| 28:16 | 若是十一個學生去加利利，到耶穌所曾給𪜶定著的山。 |
| 28:17 | 看見伊就拜伊，總是有的僥疑。 |
| 28:18 | 耶穌近倚來對𪜶講話，講：「天頂地下的權已經攏總互我。 |
| 28:19 | 所以，恁著去招萬百姓來做學生，給𪜶行洗禮，互𪜶歸佇父、子、聖神的名。 |
| 28:20 | 見若我所有命令恁的，著教示𪜶守，閣我日日及恁佇啲，到世間的路尾。」 |
- 本章節結束 -
上一章