走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 8:1 | 耶穌已經落山，歸大陣的人隨伊。 |
|---|---|
| 8:2 | 抵當有一個癩ko的就近來拜伊，講：「主啊，你若肯，就會互我清氣。」 |
| 8:3 | 伊就伸手摸伊，講：「我肯，你通清氣！」伊的癩ko連鞭清氣。 |
| 8:4 | 耶穌閣給伊講：「謹慎莫得給人講，獨獨去，將本身互祭司驗，亦著獻摩西所吩咐的禮物，來做證據佇人。」 |
| 8:5 | 已經入迦百農，有百總就近伊，來求伊講： |
| 8:6 | 「主啊，我的奴僕半徛，倒佇厝內艱苦到極。」 |
| 8:7 | 伊就給伊講：「我來去醫伊。」 |
| 8:8 | 百總應講：「主啊，你到我兜，我當𣍐起；你干單講一句話，我的奴僕就會好。 |
| 8:9 | 因為我亦是互人管的人，也有兵互我管；給此個講：『去！』伊就去；給彼個講：『來！』伊就來；給我的奴僕講：『行按呢！』伊就行按呢。」 |
| 8:10 | 耶穌聽見就奇怪，給隨伊的人講：「我實在給恁講，親像此號的深信，連以色列中，我未曾抵著。 |
| 8:11 | 我閣給恁講，對東對西，有多多人欲到，及亞伯拉罕、以撒、雅各坐桌佇天國； |
| 8:12 | 若是國的子民欲抵著趕出佇外面的黑暗，佇遐欲有啼哭咬牙切齒。」 |
| 8:13 | 耶穌就給百總講：「去啊！照你的信給你成。」抵抵彼時，伊的奴僕就好。 |
| 8:14 | 耶穌入彼得的家，看見伊的丈姆患著熱病倒啲。 |
| 8:15 | 就摸伊的手，熱就退；婦仁人就起來伺候伊。 |
| 8:16 | 到黃昏暗，有人導多多患著鬼者就近伊，伊用一句話趕出許個神，閣醫好一切有病的人。 |
| 8:17 | 就是欲應驗先知以賽亞所講的，講：伊本身替受咱的軟弱，擔當咱的病症。 |
| 8:18 | 耶穌看見歸大陣的人圍伊，就吩咐過去彼旁岸。 |
| 8:19 | 有一個經學士來，給伊講：「先生啊，你無論叨落去，我欲隨你。」 |
| 8:20 | 耶穌就給伊講：「狐狸有孔，天中的飛鳥有巢，獨獨人子無靠頭殼的所在。」 |
| 8:21 | 閣一個學生給伊講：「主啊，互我先倒去埋葬我的老父。」 |
| 8:22 | 獨獨耶穌給伊講：「你隨我；出在死人去埋葬𪜶的死人！」 |
| 8:23 | 已經落船，伊的學生隨伊。 |
| 8:24 | 忽然海裡起大風湧，致到船互湧蓋；若是耶穌啲睏。 |
| 8:25 | 學生就近來叫伊起來，講：「主啊，救哦，欲無命啦！」 |
| 8:26 | 伊就給𪜶講：「小信的人啊，怎樣許無膽？」就起來，責備風及海，就大平定。 |
| 8:27 | 許個人奇怪，講：「此個是甚麼號人？風及海亦順伊！」 |
| 8:28 | 已經過去彼旁岸，到加大拉人的地，有患著鬼者，二人，對塚墓出來抵著伊，勢面雄介介，致到無人敢對彼條路過。 |
| 8:29 | 𪜶忽然喉叫講：「上帝的子啊，阮及你有甚麼干涉？時未到，你來遮是欲苦楚阮嗎？」 |
| 8:30 | 離𪜶遠遠，有大群的豬啲討食。 |
| 8:31 | 許個鬼求伊，講：「你若趕阮，就差阮入豬群！」 |
| 8:32 | 伊就給𪜶講：「去啊！」鬼就出來，去入豬。忽然全群落山崁，入海死佇水裡。 |
| 8:33 | 顧豬者走去入城；將諸個事以及患著鬼的人所抵著的攏給人講。 |
| 8:34 | 通城的人出去尋著耶穌，已經見著，就求伊離開𪜶的地界。 |
