走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 13:1 | 當彼日，耶穌對厝內出去，坐佇海邊。 |
|---|---|
| 13:2 | 有多多陣的人聚集就近伊，致到伊上船來坐，歸陣的人攏徛佇岸裡。 |
| 13:3 | 就用多多項設譬喻給𪜶講：「你看，有撒種的出去撒種； |
| 13:4 | 撒的時，有的磕落佇路邊，飛鳥到一盡食伊； |
| 13:5 | 有的磕落佇石的地，土淺的位，因為土無深，就發真緊， |
| 13:6 | 若是日出曝伊，因為無根就枯焦； |
| 13:7 | 亦有的磕落佇茦仔內，茦仔發起，遮蔽伊； |
| 13:8 | 有的磕落佇好的土地，結實，有的百倍，有的六十倍，有的三十倍。 |
| 13:9 | 有耳孔的，著聽！」 |
| 13:10 | 學生就近伊講：「你用譬喻給𪜶講是怎樣？」 |
| 13:11 | 伊應講：「天國的奧妙互恁知，亦無互𪜶。 |
| 13:12 | 因為見若有的，欲互伊，就伊有剩；無的，連伊所有的，亦欲搶伊。 |
| 13:13 | 所以我用譬喻給𪜶講，因為𪜶看亦看無見，聽亦聽無現，亦無曉悟。 |
| 13:14 | 以賽亞所讖語的，是應驗佇𪜶，講：恁聽是欲聽，若是決斷無曉悟；恁看是欲看，若是決斷看無見； |
| 13:15 | 因為此個百姓心鈍，耳孔重，𪜶的目睭放瞌，驚了𪜶用目睭看見，用耳孔聽見，用心曉悟，來越輪轉，我就醫好𪜶。 |
| 13:16 | 「若是恁的目睭有福氣，因為𪜶看見；恁的耳孔有福氣，因為𪜶聽見。 |
| 13:17 | 因為我實在給恁講，前有多多先知及義人愛看恁所看見的，亦無看見，愛聽恁所聽見的，亦無聽見。」 |
| 13:18 | 「今此個撒種子者的譬喻恁著聽。 |
| 13:19 | 見若聽天國的道理也無曉悟的，彼個歹者就到，將所撒佇伊的心的搶去；這是撒佇路邊的。 |
| 13:20 | 撒佇石的地的，這是人聽道理，連鞭歡喜承受伊， |
| 13:21 | 總是內面無根，不過是暫時若定，到為著道理抵著有患難、窘逐，連鞭著觸。 |
| 13:22 | 撒佇莿仔內的，這是人聽道理，亦世間的掛慮、錢財的迷惑遮蔽彼個道理，就無結實。 |
| 13:23 | 撒佇好土地的，這是人聽道理來曉悟，伊實在結實，所結的，有的百倍，有的六十倍，有的三十倍。」 |
| 13:24 | 閣設譬喻對𪜶講：「天國親像人撒好種子佇伊的園， |
| 13:25 | 人睏的時，伊的仇讎來，撒稗佇麥中就去。 |
| 13:26 | 到麥發起來續結穗的時，稗亦出現。 |
| 13:27 | 家主的奴僕來給伊講：『頭家啊，你豈呣是撒好種子佇你的園嗎？對叨落有稗？』 |
| 13:28 | 伊給𪜶講：『這是仇讎做的。』奴僕給伊講：『你愛阮去薅伊嗎？』 |
| 13:29 | 伊就講：『無，驚了恁薅稗，連麥續拔起來。 |
| 13:30 | 容允二項平平大欉，聽候收割。到收割的時，我欲給割的講，代先拾許個稗，縖歸把通燒伊；獨獨麥著收入我的粟倉。』」 |
| 13:31 | 閣設譬喻對𪜶講：「天國親像一粒芥菜子，人提去撒佇伊的園。 |
| 13:32 | 此個是百項種子的第一細，到伊大欉，是卡大攏總的菜蔬，續成做樹，致到空中的鳥來歇佇伊的枝。」 |
| 13:33 | 閣用譬喻給𪜶講：「天國親像酵，婦仁人提去，囥佇三斗麵粉的內面，到攏發酵。」 |
| 13:34 | 諸個攏是耶穌用譬喻給眾人講；若呣是用譬喻，就無所給𪜶講。 |
| 13:35 | 來應驗早託先知所講的，講：我欲開嘴設譬喻，闡明創造世間以來所隱密的。 |
| 13:36 | 彼時，耶穌互眾人四散，才入厝。伊的學生就近伊，講：「園的稗仔的譬喻給阮解明。」 |
| 13:37 | 伊應講：「撒好種子的是人子； |
| 13:38 | 園就是世間；好種子的就是天國的子；稗就是歹者的子； |
| 13:39 | 撒稗的仇讎就是魔鬼；收割的時是世界的路尾；割的就是天使。 |
| 13:40 | 所以親像拾稗仔來用火燒，佇世界的路尾亦欲按呢。 |
| 13:41 | 人子欲差伊的天使對伊的國內收拾見若互人著觸的及做不法的， |
| 13:42 | 㧒𪜶佇火爐；佇遐欲有啼哭咬牙切齒。 |
| 13:43 | 彼時，義人欲發出光親像日，佇𪜶的父的國。有耳孔的，著聽！」 |
| 13:44 | 「天國親像寶貝囥佇園裡，人抵著就囥密伊，因為歡喜才去賣一切所有的，來買彼區園。 |
| 13:45 | 閣天國親像生理人尋好的珠， |
| 13:46 | 抵著一粒不止值錢的，就去賣一切所有的，來買伊。 |
| 13:47 | 閣天國親像網拋佇海裡，聚集逐類的水族， |
| 13:48 | 已經滿，就拖上坪，坐啲，拾好的入器具，呣好的㧒擲佇外面。 |
| 13:49 | 世界的路尾亦欲按呢。諸個天使欲出來，對義人的中間來分別歹人， |
| 13:50 | 㧒徛𪜶佇火爐；佇遐欲有啼哭咬牙切齒。」 |
| 13:51 | 「諸個恁攏會曉得𣍐？」𪜶講：「會。」 |
| 13:52 | 伊給𪜶講：「所以見若經學士做天國的學生的，是親像家主對伊的庫房提出新舊的物的。」 |
| 13:53 | 耶穌已經講諸個譬喻明白，就離開遐。 |
| 13:54 | 到伊的本鄉，佇𪜶的會堂教示𪜶，致到𪜶卬愕，講：「此人對叨落得著此個智慧，及諸個權能啊？ |
| 13:55 | 此個豈呣是木匠的子嗎？伊的老母豈呣是叫做馬利亞？伊的兄弟雅各、約瑟、西門、猶大嗎？ |
| 13:56 | 伊的姊妹豈無攏及咱佇遮嗎？按呢此人對叨落得著諸個一切啊？」 |
| 13:57 | 𪜶就厭賤伊。若是耶穌給𪜶講：「先知人佇本鄉本家以外，無呣尊貴。」 |
| 13:58 | 耶穌佇遐無行多多權能，因為𪜶無信伊。 |
