走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 4:1 | 彼時，耶穌互聖神導到曠野，欲受魔鬼試。 |
|---|---|
| 4:2 | 已經禁食四十日暝，後來就枵。 |
| 4:3 | 試者倚來給伊講：「你若是上帝的子，就教諸個石變做餅。」 |
| 4:4 | 若是伊應講：「有記載講：人的活，呣若倚靠餅，就是倚靠對上帝的嘴所出攏總的話。」 |
| 4:5 | 魔鬼就導伊到聖城，互伊徛佇殿的尾溜， |
| 4:6 | 給伊講：「你若是上帝的子，著家己趒落去，因為有記載講：伊欲為著你命令伊的天使，𪜶欲用手扶你，免得你的腳觸著石。」 |
| 4:7 | 耶穌給伊講：「閣有記載講：『莫得試主──你的上帝。』」 |
| 4:8 | 魔鬼閣導伊上極高的山，用天下萬國及𪜶的榮光互伊看， |
| 4:9 | 給伊講：「你若仆落拜我，諸個我攏互你。」 |
| 4:10 | 耶穌就給伊講：「撒但，退去！因為有記載講：著拜主──你的上帝，獨獨服事伊若定。」 |
| 4:11 | 對按呢，魔鬼離開伊，有天使到來伺候伊。 |
| 4:12 | 耶穌聽見約翰關監，就退去加利利； |
| 4:13 | 離開拿撒勒，去迦百農徛起。此所在佇海邊，佇西布倫及拉大利的交界。 |
| 4:14 | 是欲應驗早託先知以賽亞所講的， |
| 4:15 | 講：西布倫的地，拉大利的地，沿海墘的路，約但的河外，外邦的加利利── |
| 4:16 | 坐佇黑暗的百姓曾看見大光；坐佇死蔭的地的有光起來照𪜶。 |
| 4:17 | 對彼時，耶穌起頭宣傳，講：「恁著反悔，因為天國近啦！」 |
| 4:18 | 耶穌行佇加利利的海墘，看見二個兄弟仔，就是西門叫做彼得及伊的兄弟安得烈，拋網佇海裡；因為是討漁人。 |
| 4:19 | 伊就給𪜶講：「來隨我，我欲互恁得著人親像討魚的。」 |
| 4:20 | 𪜶連鞭離開網，來隨伊。 |
| 4:21 | 對遮進前，閣看見二個兄弟仔，就是西庇太的子雅各及伊的兄弟約翰，及𪜶老父西庇太佇船裡啲補網，耶穌招𪜶， |
| 4:22 | 𪜶連鞭離開船，拜別𪜶的老父，來隨伊。 |
| 4:23 | 耶穌遍行加利利，佇𪜶的會堂教示，宣傳天國的福音，醫好百姓間逐樣的症頭及逐樣的病疼。 |
| 4:24 | 伊的名聲報揚到通敘利亞。凡有致病的，抵著多多樣的症頭及痛疼的、患著鬼的、羊眩的、半徛的，導𪜶攏來就近伊，伊就醫好𪜶。 |
| 4:25 | 彼時，對加利利、低加波里、耶路撒冷、猶太，及約但外，有多多陣的人來隨伊。 |
