走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 3:1 | 當彼時，行洗禮的約翰來，佇猶太的曠野宣傳，講： |
|---|---|
| 3:2 | 「恁著反悔！因為天國近啦！」 |
| 3:3 | 此人就是主託先知以賽亞所指的。講：「有啲叫佇曠野的，伊的聲講：備辦主的路，修直伊的小路！」 |
| 3:4 | 此個約翰穿駱駝毛的衫，腰縖皮帶，伊所食是草蜢及山野的蜜。 |
| 3:5 | 彼時，耶路撒冷及通猶太，以及約但四方的眾人出來就近伊， |
| 3:6 | 佇約但河對伊受洗禮，認𪜶的罪。 |
| 3:7 | 約翰看見法利賽及撒都該人多多就近伊的洗禮，就給𪜶講：「毒蛇的類啊！是誰仔指示恁閃避將來的受氣啊？ |
| 3:8 | 所以恁著結彼號合佇反悔的果子。 |
| 3:9 | 莫得家己拍算講：『有亞伯拉罕做阮的父。』因為我給恁講，上帝會對諸個石頭出子孫互亞伯拉罕。 |
| 3:10 | 今斧頭已經下佇樹頭，見若樹無結好果子的。就剉伊，㧒落火。 |
| 3:11 | 我用水給恁行洗禮，欲互恁反悔。若是隨尾我來的，比我卡有權能，伊的鞋我亦𣍐堪得提。伊欲用聖神及火給恁洗。 |
| 3:12 | 伊的手提簸箕，欲將伊彼場一盡簸，收伊的麥入倉，若是麥香就用𣍐熄的火燒伊。」 |
| 3:13 | 彼時，耶穌對加利利到約但，就近約翰，欲對伊受洗禮。 |
| 3:14 | 若是約翰阻止伊講：「我合該對你受洗禮，你反轉就近我嗎？」 |
| 3:15 | 耶穌應伊講：「今請允我，因為咱合宜著按呢來盡攏總的義。」就允伊。 |
| 3:16 | 耶穌已經受洗禮，連鞭對水上來。天忽然為著伊開，伊就看見上帝的神親像鴿仔降臨，佇伊的頂面。 |
| 3:17 | 閣對天有聲講：「此個是我疼的子，我所歡喜的。」 |
