走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 23:1 | 彼時，耶穌給眾人及伊的學生講： |
|---|---|
| 23:2 | 「經學士及法利賽人坐摩西的位， |
| 23:3 | 所以見若𪜶所給恁講的，攏著行來守伊。總是莫得照𪜶的所做來行；因為𪜶有講，也無行。 |
| 23:4 | 𪜶用重閣擔的擔，縛來下佇人的肩頭頂，若是𪜶家己呣肯用一支指頭仔振動伊。 |
| 23:5 | 𪜶一切的所做攏是欲互人看才做，因為𪜶的佩經做卡闊，衫仔裾的鬚做卡長， |
| 23:6 | 愛筵桌裡坐大位，會堂內坐高位， |
| 23:7 | 街市裡互人請安，也互人稱呼𪜶拉比。 |
| 23:8 | 若是恁莫得互人稱做拉比，因為恁的先生是一個；恁攏是兄弟。 |
| 23:9 | 佇地裡也莫得稱人做父，因為恁的父是一個，就是佇天裡的。 |
| 23:10 | 也莫得互人稱做先生，因為恁的先生是一個，就是基督。 |
| 23:11 | 若是恁中間做大的，欲做恁的差用。 |
| 23:12 | 凡若自高的，欲互伊卑微；家己卑微的，欲高升伊。 |
| 23:13 | 「恁假好的經學士及法利賽人有災禍啊！因為恁佇人的面前，關密天國，恁家己無入，啲欲入的人，恁也呣准𪜶入。 |
| 23:14 | ｛「恁假好的經學士及法利賽人有災禍啊！因為恁僥吞守寡人的家伙，假意長長祈禱。所以欲受罪閣卡重！〔台語羅馬譯本無此節！〕｝ |
| 23:15 | 「恁假好的經學士及法利賽人有災禍啊！因為恁遍行水路陸路，互一人入教，既然入，就互伊做地獄的人，比恁加倍。 |
| 23:16 | 「恁睛暝做導頭的有災禍啊！恁講：『見若指殿來咒誓的，無事；獨獨見若指殿裡的金來咒誓的，就著守伊。』 |
| 23:17 | 恁戇閣睛暝，因為叨落一項卡大？是金？抑是互金成聖的殿啊？ |
| 23:18 | 恁亦講：『見若指壇來咒誓的，無事；獨獨見若指壇頂的禮物來咒誓的，就著守伊。』 |
| 23:19 | 恁睛暝啊；因為叨落一項卡大？是禮物？抑是互禮物成聖的壇？ |
| 23:20 | 所以，人指壇來咒誓，是指壇及見若佇伊頂面的來咒誓； |
| 23:21 | 人指殿來咒誓，是指殿及𫢶佇彼內面的來咒誓； |
| 23:22 | 人指天來咒誓，是指上帝的座位及坐佇彼頂面的來咒誓。 |
| 23:23 | 「恁假好的經學士及法利賽人有災禍啊！因為恁將薄荷、八角、麻芹十份抽一份，若是律法的卡對重的，就是公義、憐憫，及信實，恁就放拺。總是諸個是應該著行的，許個也是呣通放拺。 |
| 23:24 | 恁睛暝做導頭的，蚊仔就瀘起來，駱駝就吞落去。 |
| 23:25 | 「恁假好的經學士及法利賽人有災禍啊！因為恁清氣杯盤的外面，若是彼內面貯勒索及放蕩滿滿。 |
| 23:26 | 你睛暝的法利賽人啊，代先清氣杯盤的內面，互伊的外面亦會清氣。 |
| 23:27 | 「恁假好的經學士及法利賽人有災禍啊！因為恁親像粉白的墓，外面看是娞，若是內面貯死人的骨頭及逐項的污穢滿滿。 |
| 23:28 | 按呢，恁外面互人看是義，若是內面就假好及不法滿滿。 |
| 23:29 | 「恁假好的經學士及法利賽人有災禍啊！因為恁創先知人的墓，修整義人的墳墓， |
| 23:30 | 亦講：『設使阮佇阮祖的時，就無及𪜶有份佇流先知人的血。』 |
| 23:31 | 按呢恁家己干證是做刣先知人者的後裔。 |
| 23:32 | 做恁去滿恁祖的份量！ |
| 23:33 | 蛇啊，毒蟲的類啊！恁豈會逃閃地獄的刑罰？ |
| 23:34 | 所以我差先知、智識的人，經學士就近恁，有的恁欲刣伊，欲釘伊佇十字架；也有的欲佇恁的會堂用鞭拍伊，對此個城趕逐𪜶到彼個城， |
| 23:35 | 致到地上所流義人的血，攏歸佇恁，就是對義人亞伯的血到巴拉加的子撒迦利亞的血，伊是恁所刣佇殿及壇的中間的。 |
| 23:36 | 我實在給恁講，諸個事攏欲歸佇此代。」 |
| 23:37 | 「耶路撒冷啊，耶路撒冷啊，就是刣死先知人，用石頭擲奉差到佇伊的。我偌多擺愛聚集你的子兒，親像雞母聚集伊的雞仔佇翅下，若是恁呣愛。 |
| 23:38 | 你看！恁的厝欲拋荒留啲互恁。 |
| 23:39 | 因為我給恁講，今了後，恁無看見我，聽候恁講：『佇主的名來的得著福氣。』」 |
