走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 17:1 | 過六日，耶穌另外帶彼得、雅各，及雅各的兄弟約翰，導𪜶絔上高山， |
|---|---|
| 17:2 | 當𪜶的面前形狀變換，伊的面光映映親像日，伊的衫白親像光。 |
| 17:3 | 忽然，有摩西、以利亞對𪜶顯現，及伊講話。 |
| 17:4 | 彼得應耶穌講：「主啊，咱佇遮真好！你若愛，我欲佇遮搭三間寮仔，一間互你，一間互摩西，一間互以利亞。」 |
| 17:5 | 伊猶啲講話的時，忽然有光光的雲罩𪜶，閣有聲對雲裡出，講：「此個是我疼的子，我所歡喜的。恁著聽伊！」 |
| 17:6 | 學生聽見，就仆落去，盡在驚。 |
| 17:7 | 耶穌進前，摸𪜶，講：「起來，莫得驚！」 |
| 17:8 | 𪜶抬目無看見一人，只有耶穌若定。 |
| 17:9 | 落山的時，耶穌命令𪜶講：「人子猶未對死人中復活，莫得用所看見的給人講。」 |
| 17:10 | 伊的學生問伊講：「按呢就經學士講以利亞著先來，是怎樣？」 |
| 17:11 | 伊應講：「以利亞果然來，欲興起萬項事； |
| 17:12 | 若是我給恁講，以利亞已經來，也𪜶呣識伊，照𪜶所愛來款待伊。親像按呢人子亦欲受𪜶的陷害。」 |
| 17:13 | 學生才會曉得伊所給𪜶講的，是指行洗禮約翰。 |
| 17:14 | 已經到眾人遐，有一人就近伊，跪伊， |
| 17:15 | 講：「主啊，憐憫我的子！因為伊羊眩真艱苦，沓沓跋落火，沓沓跋落水。 |
| 17:16 | 我導伊就近你的學生，𪜶𣍐會醫好伊。」 |
| 17:17 | 耶穌應講：「嗐啊！呣信閣悖逆的世代啊，我欲及恁住偌久？我欲吞愞恁偌久？帶伊來遮就近我！」 |
| 17:18 | 耶穌責備鬼，鬼就對伊出；對彼一時囝仔就好。 |
| 17:19 | 彼時學生暗靜就近耶穌，講：「阮怎樣𣍐趕伊？」 |
| 17:20 | 伊給𪜶講：「是為著恁的小信。我實在給恁講，恁若有信，親像一粒芥菜子，恁就欲給此個山講：『對遮徙去遐亦欲徙去；閣恁啲欲無一項𣍐。』」 |
| 17:21 | （總是此類，若呣是用祈禱、禁食，伊就無出去。）〔台語羅馬譯本無此節！〕 |
| 17:22 | 𪜶猶住加利利的時，耶穌給學生講：「人子欲受送交佇人的手。 |
| 17:23 | 𪜶欲刣伊，第三日復活。」學生真憂悶。 |
| 17:24 | 𪜶到迦百農，有收丁稅的就近彼得，講：「恁先生豈無納丁稅嗎？」 |
| 17:25 | 伊講：「有。」已經入厝，耶穌代先給伊講：「西門啊，你拍算怎樣？世上諸個王對是誰收餉及抽丁稅？是對家己的子兒？抑是對外面人啊？」 |
| 17:26 | 伊一下講：「對外面人。」耶穌就給伊講：「若是按呢，就子兒通呣免。 |
| 17:27 | 總是免致塞礙𪜶，你去海裡放釣，掠代先上釣的魚，開伊的嘴，欲得著銀一個，提來，為著我及你納互𪜶。」 |
