走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 16:1 | 法利賽及撒都該人來試耶穌，請伊用對天的神蹟互𪜶看。 |
|---|---|
| 16:2 | 若是伊應講：「下昏時，恁講：『會好天啦。』因為天色紅。 |
| 16:3 | 亦早起時，恁講：『今仔日有風雨。』因為天色黑眑。恁會曉分別天色，獨獨𣍐分別諸個時的神蹟。 |
| 16:4 | 惡毒姦淫的世代求神蹟，獨獨約拿的神蹟以外，無欲神蹟互伊。」就離別𪜶去。 |
| 16:5 | 學生過去彼旁，𣍐記得帶餅。 |
| 16:6 | 耶穌給𪜶講：「著謹慎持防法利賽及撒都該人的酵。」 |
| 16:7 | 學生相及議論講：「是咱無帶餅哦。」 |
| 16:8 | 耶穌知，就講：「小信的人啊，啥事因為無餅相及議論啊？ |
| 16:9 | 恁猶久𣍐曉得？亦𣍐記得五千人食五個餅、恁拾幾筐啊？ |
| 16:10 | 亦四千人食七個餅、恁拾幾籃啊？ |
| 16:11 | 恁怎樣𣍐曉得我所給恁講的，呣是指餅，『獨獨著持防法利賽及撒都該人的酵。』」 |
| 16:12 | 𪜶才會曉得伊所講的呣是持防餅的酵，就是法利賽及撒都該人的教。 |
| 16:13 | 耶穌已經到該撒利亞腓力比的境界，問伊的學生講：「人啲講人子是是誰？」 |
| 16:14 | 𪜶講：「有的講是行洗禮的約翰；有的講是以利亞；閣有的講是耶利米抑是先知人的一個。」 |
| 16:15 | 伊就給𪜶講：「若是恁講我是是誰？」 |
| 16:16 | 西門彼得應講：「你是基督，真活上帝的子。」 |
| 16:17 | 耶穌應伊講：「西門巴約拿，你有福氣啊！因為血氣肉體的無指示你，就是我佇天裡的父指示你。 |
| 16:18 | 我閣給你講，你就是彼得，佇此個石盤頂我欲起造我的教會；陰府的關隘也𣍐贏伊。 |
| 16:19 | 我欲用天國的鎖匙互你，見若你佇地裡縛的，佇天裡亦欲縛伊；見若你佇地裡放的，佇天裡亦欲放伊。」 |
| 16:20 | 彼時，就禁戒學生，莫得給人講伊是基督。 |
| 16:21 | 對彼霎起，耶穌才指示伊的學生知，伊著去耶路撒冷，對諸個長老、祭司頭、經學士受著多多苦楚，閣受害死，第三日復活。 |
| 16:22 | 彼得牽伊，責備伊講：「主啊，千萬呣通！此個決斷無欲到佇你。」 |
| 16:23 | 耶穌越轉身，給彼得講：「撒但，退去我的後面！你是我的塞礙；因為你所想呣是上帝的事，是人的事。」 |
| 16:24 | 彼時耶穌給伊的學生講：「人若愛隨我，著看無家己，夯伊的十字架來隨我。 |
| 16:25 | 因為，見若愛救伊的生命的，欲失落伊；見若為著我來失落伊的生命的，欲得著伊。 |
| 16:26 | 人若得著全世界，來喪失伊的生命，有甚麼利益？抑是人欲出甚麼來對換伊的生命？ |
| 16:27 | 因為人子用伊的父的榮光，及伊的天使欲來；彼時，欲照逐人的所行來報應。 |
| 16:28 | 我實在給恁講，徛佇遮的，有人猶未死，會看見人子佇伊的國來。」 |
