走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 11:1 | 黎巴嫩啊，你著開你的門，互火通燒滅你的柏香樹。 |
|---|---|
| 11:2 | 松樹啊，恁著哮；因為柏香樹已經倒，娞的樹已經毀壞。巴珊的橡樹啊，恁著哮，因為茂盛的樹林已經衰敗。 |
| 11:3 | 聽啊，有牧者啲哮，因為𪜶的榮耀毀壞啦。聽啊，有勇的獅噤噤哮，因為約但河邊的樹林荒廢啦。 |
| 11:4 | 耶和華──我的上帝按呢講：「欲刣的羊群你著飼。 |
| 11:5 | 買𪜶的刣𪜶，家己掠做無罪；賣𪜶的講：『耶和華是應該謳咾者，因為我好額啦。』𪜶的牧者也無憐憫𪜶。 |
| 11:6 | 耶和華講：『我無閣憐憫此所在徛起的百姓，看啊，我欲將𪜶逐人交佇𪜶厝邊的手，也佇伊的王的手。𪜶欲拍此個地方，我也無欲救百姓脫離𪜶的手。』」 |
| 11:7 | 對按呢，我飼欲刣的羊群，就是羊群中第一困苦者。我家己取二支柺仔，一支叫做「恩惠」，一支叫做「聯絡」。來飼此個羊群。 |
| 11:8 | 一月日內，我除去三個牧者，因為我的心厭賤𪜶；𪜶的心也氣嫌我。 |
| 11:9 | 我就講：「我無欲養飼恁。死者，出在伊死；無去者，出在伊無去；所剩者，出在𪜶相吞食。」 |
| 11:10 | 我抬我彼支「恩惠」的柺仔遏折伊，來廢無我及萬百姓所立的約。 |
| 11:11 | 彼日就廢無伊。困苦的羊向望我者攏知這是耶和華的話。 |
| 11:12 | 我對𪜶講：「恁若掠做好，就互我工錢。若無，就息！」對按呢𪜶秤銀三十做我的工錢。 |
| 11:13 | 耶和華給我講：「著將彼個㧒互燒磁人，就是𪜶所估我高的價錢。」我就提彼個銀三十，㧒互燒磁人佇耶和華的殿。 |
| 11:14 | 我閣遏折我第二支的柺仔名做「聯絡」者，來廢無猶大及以色列兄弟的情誼。 |
| 11:15 | 耶和華閣給我講：「你閣提戇的牧者所用許個器具， |
| 11:16 | 看啊，我欲佇此所在興起一個牧者。失落者伊無欲插，四散者伊無欲尋，受傷者伊無欲醫伊，勇壯者伊無欲飼伊；干單欲食肥者的肉，拆裂伊的蹄。 |
| 11:17 | 無路用的牧者，棄拺羊群者有災禍啊！刀欲臨到伊的手及伊的正目。伊的手欲全然枯焦；伊的正目欲黑黑暗暗。」 |
