走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 5:1 | 我閣抬目，看見有一幅軸啲飛。 |
|---|---|
| 5:2 | 伊給我講：「你看見甚麼？」我應講：「我看見一幅軸啲飛，伊的長二十肘，闊十肘。」 |
| 5:3 | 伊就對我講：「此個是出去到全地上的咒詛。見若偷提的欲照此幅的此旁除滅伊；見若咒誓的欲照此幅的彼旁除滅伊。 |
| 5:4 | 萬軍的耶和華講：我欲互伊出去，伊欲入偷提的人的厝，也入指我的名濫糝咒誓的人的厝，欲住佇伊的厝內毀滅伊，以及伊的柴伊的石。」 |
| 5:5 | 及我講話的使者出來，對我講：「你著抬目看，此個出來的是甚麼？」 |
| 5:6 | 我講：「這是甚麼啊？」伊講：「此個是出去的伊法。」伊閣講：「佇全地的內面，𪜶的形狀是按呢。」 |
| 5:7 | （看啊，有一片圓的鉛受舉起。）閣有婦仁人坐佇伊法的內面。 |
| 5:8 | 伊講：「此個是罪惡。」就將伊㧒佇伊法的內面，也將彼片的鉛蓋佇伊法的嘴。 |
| 5:9 | 我閣抬目看，看啊，有二個婦仁人出來，佇𪜶的翅有風，𪜶的翅親像鶴的翅。𪜶將伊法扛起來佇天及地的中間。 |
| 5:10 | 我對及我講話的使者講：「𪜶扛伊法去叨落？」 |
| 5:11 | 伊給我講：「欲給伊起厝佇示拿地；厝若便，就將伊安置佇家己的所在。」 |
