走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 12:1 | 耶和華論以色列默示的話。耶和華展開諸個天，建立地的根基，創造人的心神者， |
|---|---|
| 12:2 | 伊的話講：「看啊，我欲互耶路撒冷做四圍諸個百姓致到醉的杯；耶路撒冷受圍困的時，猶大也欲按呢。 |
| 12:3 | 彼日，我欲互耶路撒冷對佇萬百姓成做重的石；見若夯伊者欲受重傷，地上列邦欲聚集來攻擊伊。 |
| 12:4 | 耶和華講：到彼日，我欲互攏總的馬驚惶，互騎馬的人癲狂。我欲看顧猶大家，拍列國一切的馬互伊睛暝。 |
| 12:5 | 猶大的族長心內欲講：『耶路撒冷徛起的百姓做我的力，因為𪜶倚靠𪜶的上帝──萬軍的耶和華。』 |
| 12:6 | 「彼日，我欲互猶大的族長親像火鼎佇柴的中間，閣親像火把佇稻稛的中間；𪜶欲佇倒旁正旁燒滅四圍的列國。耶路撒冷欲猶原踮佇本所在，就是耶路撒冷。 |
| 12:7 | 「耶和華欲代先拯救猶大的布棚，互大衛的家的榮光及耶路撒冷徛起的百姓的榮光𣍐會贏過猶大。 |
| 12:8 | 彼日，耶和華欲保護耶路撒冷徛起的百姓。𪜶中間軟茈者佇彼日欲親像大衛；大衛的家欲親像上帝，親像佇𪜶頭前的耶和華的使者。 |
| 12:9 | 彼日，來攻擊耶路撒冷的列國，我定著意思欲滅伊。 |
| 12:10 | 「我欲用恩惠及祈禱的神，傾落佇大衛的家及耶路撒冷徛起的百姓。𪜶欲仰望我，就是𪜶所鑿者；閣欲為著伊悲哀，親像人為著孤生的子悲哀；閣為著伊憂苦，親像人為著大子憂苦一樣。 |
| 12:11 | 當彼日，佇耶路撒冷欲有大大悲哀，親像佇米吉多平洋的哈達臨門的悲哀。 |
| 12:12 | 境內悲哀，逐家另外踮。大衛族的家另外踮，𪜶的婦仁人另外踮。拿單族的家另外踮，𪜶的婦仁人另外踮。 |
| 12:13 | 利未族的家另外踮，𪜶的婦仁人也另外踮。示每族的家另外踮，𪜶的婦仁人也另外踮。 |
| 12:14 | 其餘許個家逐家另外踮，𪜶的婦仁人也另外踮。 |
