走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 9:1 | 耶和華默示的話到佇哈得拉，也欲停歇佇大馬色──因為世間人及以色列逐支派的目睭攏向耶和華── |
|---|---|
| 9:2 | 及倚近的哈嗎，以及推羅、西頓；因為伊有大智慧。 |
| 9:3 | 因為推羅為家己起衛所，積聚銀親像土沙，積聚好金親像街路的土糜。 |
| 9:4 | 看啊，主欲趕伊出，也欲敗壞伊的海權；伊欲互火燒滅。 |
| 9:5 | 亞實基倫欲看見來驚；迦薩看見也真艱苦；以革倫也看見因為失望來見誚。迦薩的確無閣有君王；亞實基倫無人徛起。 |
| 9:6 | 雜種人欲徛起佇亞實突；我欲除滅非利士人的驕傲。 |
| 9:7 | 我欲除去伊嘴內含血的肉，及伊嘴齒中可惡的物。伊所剩的人欲歸咱的上帝，伊欲佇猶大親像族長；以革倫欲親像耶布斯的人。 |
| 9:8 | 我欲紮營圍我的厝，抵當軍兵致到無人往來，暴虐的人也無對𪜶遐經過，因為我今親目看見伊。 |
| 9:9 | 錫安的查某子啊，著大沈歡喜；耶路撒冷的查某子啊，著出歡喜的聲。看啊，你的王來就近你！伊是公義，閣行拯救，溫柔閣騎驢，及驢所生的驢仔子。 |
| 9:10 | 我欲除去以法蓮的戰車及耶路撒冷的戰馬；交戰的弓也欲除去。伊欲對列國傳和平；伊的權柄欲對此個海到彼個海，對大河到地極。 |
| 9:11 | 論到你，我用你的約的血，解放你許個受掠去關的人出無水的井。 |
| 9:12 | 恁許個受掠去關也有向望的人啊，著倒來衛所。我今仔日傳報，欲加倍還你。 |
| 9:13 | 我用猶大做我所挽的弓；用以法蓮做安置弓的箭。錫安啊，我欲激動你的百姓，攻擊雅完的百姓，互你親像勇士的刀劍。 |
| 9:14 | 耶和華欲出現佇𪜶的頂面；伊的箭欲射出親像閃爁。主耶和華欲歕哨角，坐南方的捲螺風來行。 |
| 9:15 | 萬軍的耶和華欲保護𪜶；𪜶欲吞滅對敵，睭踏所㧒來的石。𪜶欲飲來喝，親像飲酒；𪜶欲親像貯滿的碗，親像壇頂許個角。 |
| 9:16 | 彼日，耶和華──l𪜶的上帝欲拯救𪜶，親像伊的百姓的羊群；因為𪜶欲親像冕旒的寶石，舉起高高佇伊的地上。 |
| 9:17 | 伊的仁慈大到怎樣！伊的娞好看到怎樣！五穀欲互少年人勇健；新酒互在室女也按呢。 |
