走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 14:1 | 看啊，耶和華的日欲到，你的貨財欲互人分佇恁中間。 |
|---|---|
| 14:2 | 因為我欲聚集萬國及耶路撒冷交戰，城欲受攻破，厝宅欲受搶劫，婦仁人欲受凌辱，城內的百姓一半受人掠去；所剩的百姓猶原佇城內，無致到剪除。 |
| 14:3 | 彼時，耶和華欲出去及許個國交戰，親像從前臨陣的日交戰一樣。 |
| 14:4 | 當彼日，伊的腳欲徛佇橄欖山，此個山佇耶路撒冷頭前的東勢。橄欖山欲對中央裂開，對東到西成做極大的山谷。山的一半移徙向北，一半移徙向南。 |
| 14:5 | 恁欲對我的山谷中逃走，因為山谷欲透到亞薩。恁欲逃走，親像猶大王烏西雅的年間為著地動的逃走一樣。耶和華──我的上帝欲臨到，攏總的聖者及你來。 |
| 14:6 | 彼日的光，欲呣成光呣成暗。 |
| 14:7 | 欲有一個特別日，是耶和華所知的，呣是日，也呣是暝，到下昏時才有光。 |
| 14:8 | 彼日，欲有活水對耶路撒冷出來，一半流去東海，一半流去西海；冬天夏天攏是按呢。 |
| 14:9 | 耶和華欲佇全地做王。當彼日耶和華獨一，伊的名也是獨一。 |
| 14:10 | 全地，對迦巴到耶路撒冷南方的臨門，欲變親像亞拉巴。耶路撒冷欲升高，踮佇伊的本所在，就是對便雅憫的門，到頭一個門的所在，閣到角頭的門，亦對哈楠業的樓，直到王的酒窟。 |
| 14:11 | 欲有人踮彼中間，無閣有咒詛。耶路撒冷欲安然徛起。 |
| 14:12 | 許個列國及耶路撒冷交戰者，耶和華欲用此號的災禍攻擊𪜶；𪜶的腳猶徛啲的時，𪜶的肉欲朽爛，目睭欲朽爛佇目睭孔，舌欲朽爛佇嘴內。 |
| 14:13 | 當彼日耶和華欲互𪜶中間大擾亂；𪜶逐人用手相搝，閣起手相攻擊。 |
| 14:14 | 猶大也欲及耶路撒冷交戰；彼時四圍列國的貨財，就是金銀衣裳，欲聚集多多。 |
| 14:15 | 彼個所欲到佇馬、騾、駱駝、驢，以及營中一切的精牲的災禍及此個災禍一般樣。 |
| 14:16 | 所有來攻擊耶路撒冷的列國剩的人，欲年年上來敬拜大的王──萬軍的耶和華，也守搭寮節。 |
| 14:17 | 地上萬族中，見若無上耶路撒冷敬拜大的王──萬軍的耶和華者，欲無落雨佇𪜶遐。 |
| 14:18 | 埃及族若無上來，欲無雨佇𪜶遐；欲有災禍，就是耶和華用來攻擊許個無上來守搭寮節的列國的。 |
| 14:19 | 這就是埃及的刑罰，也是許個無上來守搭寮節的列國的刑罰。 |
| 14:20 | 當彼日，馬的瑊鈴欲刻字講「做聖歸佇耶和華」。耶和華殿內的鍋欲親像壇前的碗。 |
| 14:21 | 見若耶路撒冷及猶大的鍋，攏欲做聖歸萬軍的耶和華；見若獻祭者攏欲用諸個鍋，煮肉佇彼內面；當彼日，佇萬軍的耶和華的殿內無閣有迦南人。 |
- 本章節結束 -
上一章