走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 3:1 | 阮豈是此霎才閣家己舉薦嗎？抑是阮親像別人欠用人的薦批互恁抑是欠用恁的薦批互別人啊？ |
|---|---|
| 3:2 | 恁就是阮的批寫佇阮的心，互眾人所知所讀的。 |
| 3:3 | 恁明明是基督的批，對阮的工來成的。呣是用墨寫的，就是用真活上帝的神；呣是佇石碑，就是佇肉體的心碑。 |
| 3:4 | 阮倚靠基督，向上帝有此號的信。 |
| 3:5 | 呣是講阮家己會堪得對家己來想出甚麼；阮所以會堪得，是對上帝。 |
| 3:6 | 伊也互阮會堪得擔當新約的差用，呣是文字的，是神靈的；因為文字致到死，神靈致到活。 |
| 3:7 | 今致到死的職份用字刻佇石裡的尚且有榮光，致到以色列人𣍐會注目看摩西的面，是為著伊的面的榮光；這榮光是漸漸衰退的， |
| 3:8 | 何況神靈的職份豈無閣卡有榮光嗎？ |
| 3:9 | 因為定罪的職份既然榮光，就致到義的職份伊的榮光閣卡充滿。 |
| 3:10 | 因為前所受榮光的，為著此個卡大的榮光就無榮光； |
| 3:11 | 因為衰退的若有榮光，就彼個久長佇啲的閣卡有榮光。 |
| 3:12 | 阮既然有此號的向望，所以真好膽來講， |
| 3:13 | 無親像摩西用帕罩伊的面，互以色列人𣍐得通注目看到彼個𣍐衰退者的結局。 |
| 3:14 | 若是𪜶的心變做硬，到佇今仔日啲讀舊約的時，彼個帕猶原佇啲無掀開。此個帕對基督就廢去。 |
| 3:15 | 若是到今仔日，不論甚麼時啲讀摩西的冊，帕猶久罩佇𪜶的心。 |
| 3:16 | 獨獨不論甚麼時𪜶歸向主，帕就除去。 |
| 3:17 | 今主就是彼個神；主的神佇彼位，彼位就自由。 |
| 3:18 | 咱眾人的面無罩帕親像鏡倒照主的榮光，攏變化做伊的像，對榮光到榮光，親像對主就是神按呢。 |
