走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 5:1 | 因為阮知，阮佇地裡布棚的厝若毀壞，就有對上帝所起造，呣是人的手所造的厝，是永遠佇天裡的。 |
|---|---|
| 5:2 | 因為阮𫢶佇此個布棚啲吐氣，不止欣慕阮對天裡的厝，親像衫穿褡落去； |
| 5:3 | 若得著穿，就免褪腹裼。 |
| 5:4 | 因為阮𫢶佇此個布棚的啲拖磨吐氣，呣是愛褪起來，是愛穿褡落去，致到彼個會死的互活吞落去。 |
| 5:5 | 今備辦阮得著此個的就是上帝，伊也用伊的神做定互咱。 |
| 5:6 | 所以，阮常常好膽，知阮𫢶佇身軀就是及主相離。 |
| 5:7 | 因為阮啲行是對信呣是對所看。 |
| 5:8 | 按呢阮好膽，也閣卡歡喜離開身軀及主相及𫢶。 |
| 5:9 | 所以，無論𫢶佇身軀，抑是離開身軀，阮所致意的，是互伊歡喜。 |
| 5:10 | 因為咱眾人的確著顯明佇基督的公座前，互逐人照伊對身軀所行的代誌，或是好或是歹來受報應。 |
| 5:11 | 所以阮既然知主的通驚畏，就苦勸人。若是阮已經顯明佇上帝，我也向望有顯明佇恁的良心。 |
| 5:12 | 阮呣是靠家己對恁證明，就是互恁為著阮有通誇口的所在，通應許個照外貌無照內心誇口的人。 |
| 5:13 | 因為阮若狂，是為著上帝；若自在，是為著恁。 |
| 5:14 | 因為基督的疼痛催迫阮，是阮想：一人替眾人死，就是眾人死； |
| 5:15 | 閣伊替眾人死，是欲互諸個活的人以後無為著家己來活，是為著替𪜶死來復活者。 |
| 5:16 | 所以，阮對今以後，無照肉體識人。雖然曾照肉體識基督，今以後無閣按呢識伊。 |
| 5:17 | 所以人若𫢶佇基督，就是做新創造的，舊的代誌已經過去，今攏變成新的。 |
| 5:18 | 閣萬項事攏是出佇上帝；伊對基督互咱及伊復和，也將此個勸人及上帝復和的職份互阮； |
| 5:19 | 就是上帝𫢶佇基督，互世間及伊復和，無將𪜶的罪過歸佇𪜶，也將復和的道理交託阮。 |
| 5:20 | 按呢，阮為著基督做欽差，親像上帝用阮勸恁。阮為著基督求恁及上帝復和。 |
| 5:21 | 上帝互彼個無罪的，替咱成做罪，是欲互咱𫢶佇伊來成做上帝的義。 |
