走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 2:1 | 過十四年，我及巴拿巴閣上耶路撒冷，也導提多相及去。 |
|---|---|
| 2:2 | 我是奉啟示才上去，閣將我佇外邦所傳的福音對𪜶排列；是另外對有名望的人排列，免我現今，抑是以前，所行的歸佇空空。 |
| 2:3 | 及我去的提多，是希利尼人，也無互人勉強伊受割禮； |
| 2:4 | 是為著有暗靜引進來假的兄弟，𪜶暗靜入來偷看阮𫢶佇基督耶穌所有的自由，欲互阮成做奴僕。 |
| 2:5 | 阮未曾一時降服來讓𪜶，是欲互福音的真理長長存佇恁中間。 |
| 2:6 | 對佇許個號做有名望的人，無論𪜶前是甚麼等號的人，佇我無差。上帝無用外貌取人。究竟許個有名望的人，佇我無加添甚麼， |
| 2:7 | 反轉是按呢，𪜶看見主託仗我傳福音互未受割禮的，親像託仗彼得傳福音互已經受割禮的。（ |
| 2:8 | 因為出力行佇彼得，互伊做受割禮者的使徒，也出力行佇我，互我做外邦的使徒；） |
| 2:9 | 閣知所賞賜我的恩典，就雅各、磯法、約翰人看做柱石的，伸正手及我參巴拿巴相交陪，互阮去就近外邦人，也𪜶去就近受割禮的。 |
| 2:10 | 獨獨愛阮數念喪鄉人；這也是我本致意啲行的。 |
| 2:11 | 若是磯法到安提阿的時；我當面抵敵伊，是伊有犯罪。 |
| 2:12 | 因為有幾若人對雅各遐來，猶未到的時，伊及外邦人相及食，𪜶已經到，伊驚受割禮的人，就退開來家己分別。 |
| 2:13 | 其餘的猶太人也及伊妝做，致到連巴拿巴也對𪜶的妝做受引誘。 |
| 2:14 | 總是我看見𪜶無照直行，來趁福音的真理，就佇眾人的面前給磯法講：「你是猶太人，做人既然親像外邦人，無親像猶太人，啥事啲勉強外邦人學猶太人啊？」 |
| 2:15 | 咱出世做猶太人，呣是外邦的罪人； |
| 2:16 | 既然知人得著稱做義呣是對趁律法，獨獨對信耶穌基督，咱也有信靠基督耶穌，互咱對信基督得著稱做義，呣是對趁律法；因為對趁律法無人會得著稱做義。 |
| 2:17 | 今設使咱啲求佇基督得著稱做義，也家己猶久顯出做有罪的人，按呢基督是罪惡的差用嗎？斷斷呣是！ |
| 2:18 | 因為我若閣起我前所毀的，就是表明家己做犯法的人。 |
| 2:19 | 因為我對律法，就向律法已經死，欲互我向上帝來活。 |
| 2:20 | 我曾及基督同釘十字架，我猶久啲活呣是猶原我，就是基督𫢶佇我啲活；閣我現今佇肉體所有的活，是在佇信上帝的子來活；伊曾疼我，替我獻家己。 |
| 2:21 | 我無廢無上帝的恩典；因為對律法若會得著義，就基督無因端來死。 |
