走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 5:1 | 基督解放咱做自由，所以恁著徛在，莫得閣掛著彼個做奴僕的軛。 |
|---|---|
| 5:2 | 我──保羅給恁講，恁若受割禮，就基督無利益佇恁。 |
| 5:3 | 我閣再對逐個受割禮的人證明，伊著行齊全的律法親像欠債著還。 |
| 5:4 | 恁愛對律法稱做義的，是已經及基督絕斷，已經對恩典的位徛落去。 |
| 5:5 | 因為咱倚靠神，對信啲聽候所向望的義。 |
| 5:6 | 因為𫢶佇基督耶穌，受割禮抑無受割禮攏無功效，獨獨信對仁愛來行的才有功效。 |
| 5:7 | 恁前是𠢕走，是誰阻擋恁，致到恁無趁真理啊？ |
| 5:8 | 彼號的苦勸呣是對召恁的出。 |
| 5:9 | 淡薄的酵會發歸甑。 |
| 5:10 | 我𫢶佇主深信恁不致有別樣的心志；獨獨攪擾恁的，無論是甚麼人，伊欲受擬罪。 |
| 5:11 | 兄弟啊，我若猶啲傳割禮，啥事猶久受窘逐啊？按呢，十字架的做塞礙已經廢無啊。 |
| 5:12 | 願許個拍亂恁的將家己割斷。 |
| 5:13 | 兄弟啊，恁受召是來得著自由，獨獨莫得用自由做肉體的機關，是著對仁愛相服事。 |
| 5:14 | 因為全律法包含佇一句，就是講「疼厝邊親像家己」。 |
| 5:15 | 設使恁相吞咬，驚了會相滅無，恁著謹慎。 |
| 5:16 | 今我講，恁著照神來行，就無成肉體的私慾。 |
| 5:17 | 因為肉體愛攻擊神，神愛攻擊肉體，二個相對敵，互恁無行所愛行的。 |
| 5:18 | 獨獨恁若互聖神所引導，就無佇律法下。 |
| 5:19 | 今肉體的品行有露現，親像姦淫、污穢、邪僻、 |
| 5:20 | 拜偶像、邪術、結冤讎、相爭、怨恨、受氣、結黨、分旁、異端、 |
| 5:21 | 怨妒、酒醉、放蕩，以及親像此號的。我前曾代先講，今也代先給恁講，見若常常行按呢的將來無承接上帝的國。 |
| 5:22 | 若是聖神的果子，就是仁愛、歡喜、和平、 |
| 5:23 | 吞愞、慈悲、善良、忠信、溫柔、撙節。親像此號無有律法禁伊。 |
| 5:24 | 閣屬基督耶穌的人，曾將肉體及伊的情，伊的慾釘佇十字架。 |
| 5:25 | 咱若照神來活，著照神來行。 |
| 5:26 | 莫得對重空空的榮光，相激氣，相怨妒。 |
