台語聖經

線上台語聖經

麥穗田首頁線上台語聖經

經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -

以弗所書第2章

章節快速選擇 :

上下篇聖經查閱：加拉太書腓利比書回到目錄

2:1	閣恁平素對恁的過失恁的罪過來死的，伊也曾互恁復活。
2:2	是恁前行佇彼中間，趁此世間的風俗，及空中掌權的君王，就是現今運行佇悖逆的人彼個神。
2:3	其中阮前也攏佇阮肉體的私慾啲行做，趁肉體及心內的意思，生成是做通受氣的，親像別人一樣。
2:4	總是，上帝的憐憫真豐盛，為著伊疼咱的大仁愛，
2:5	當咱對過失已經死的時，就互咱及基督同活。恁對恩典得著救。
2:6	也互咱佇基督耶穌及伊同起來，同坐佇天裡，
2:7	閣對伊佇基督耶穌所賞賜咱的仁慈，欲佇後世代顯明伊恩典的極富有。
2:8	因為恁對恩典得著救，是對信；這也呣是出佇恁本身，是上帝所賞賜；
2:9	呣是出佇所行，免得人誇口。
2:10	因為恁是伊所做成的，受創造佇基督耶穌；來行好事，就是上帝代先備辦的欲互咱行伊。
2:11	所以恁著記得：恁前照肉體做外邦人，互許個稱做割禮的人稱恁做無受割禮；𪜶的割禮就是對人的手所行佇肉體的。
2:12	彼時，恁無基督，以色列的國無份，佇諸個應允的約無干涉，無所向望，𫢶佇世間呣識上帝。
2:13	恁平素離開遠遠的，今𫢶佇基督耶穌，對伊的血，有得著近倚。
2:14	因為伊是做咱的和平，互二旁做一個，拆去彼中間相隔的牆；
2:15	閣佇伊的肉體廢無結冤讎的因端，就是諸個誡命的律法，記載佇規例的，欲佇伊本身將二旁造成一個新的人，來成就和平。
2:16	閣已經佇十字架除去彼個冤讎，欲互二旁佇一體對十字架，及上帝和，
2:17	閣來傳和平互恁遠的人，也傳和平互近的。
2:18	因為對伊咱二旁佇一個神，得著親近父。
2:19	按呢，恁無閣做外面人寄腳的，就是及諸個聖徒像國，做上帝家內的人；
2:20	受起造佇諸個使徒及先知的地基頂，基督耶穌家己做厝角要緊的石，
2:21	在佇伊見若所起的攏相聯絡，𫢶佇主來漸漸成做聖殿。
2:22	恁也𫢶佇伊相及受起造，成做上帝用神所徛起的厝。

- 本章節結束 -

聯繫資訊

線上台語聖經

台語聖經

以弗所書第2章

快速導航

相關資訊

聯絡麥穗田

聯繫資訊

線上台語聖經

台語聖經

以弗所書 第2章

以弗所書第2章