走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
目的：勸勉信徒們要靠主常常喜樂，且要以基督的心為心而合一。
| 1:1 | 基督耶穌的奴僕保羅、提摩太批寄互徛起腓立比，𫢶佇基督耶穌攏總的聖徒，及諸個監督，以及執事。 |
|---|---|
| 1:2 | 願恁對咱的父上帝及主耶穌基督得著恩典、平安！ |
| 1:3 | 我見有數念恁，就感謝我的上帝； |
| 1:4 | 逐擺為著恁眾人祈禱的時，常常歡喜來祈禱。 |
| 1:5 | 因為恁對頭一日到今，相及有份佇興起福音。 |
| 1:6 | 我也深信起頭做好的工佇恁的，欲成伊，到佇耶穌基督的日。 |
| 1:7 | 閣我為著恁眾人有此號心志是合宜；因為恁常常佇我的心內，無論我佇鐵鍊中，以及辯明來堅固福音的時，恁眾人及我有份佇恩典。 |
| 1:8 | 因為上帝給我做干證，我體基督耶穌的心，有怎樣戀慕恁眾人。 |
| 1:9 | 閣我所求的，就是互恁的仁愛佇智慧以及逐樣的曉悟，充滿又閣充滿， |
| 1:10 | 致到恁會驗出許個卡好的事，互恁純全無塞礙，到佇基督的日； |
| 1:11 | 用義的果子滿滿就是對耶穌基督有的，欲互上帝得著榮光謳咾。 |
| 1:12 | 兄弟啊，我愛恁知，我所抵著的代誌抵抵是互福音卡進步， |
| 1:13 | 致到我的掛鐵鍊佇基督來顯明佇全營，及其餘的眾人。 |
| 1:14 | 閣致到𫢶佇主的兄弟大半對我的掛鐵鍊來深信，益發好膽無驚，來講上帝的道理。 |
| 1:15 | 今人啲傳基督，有的是出佇怨妒冤家，有的是出佇好意思。 |
| 1:16 | 諸個是出佇仁愛，因為知我是為著辯明福音來設立的； |
| 1:17 | 許個啲報揚基督是出佇結黨，呣是實心，𪜶的意思是愛互我佇鐵鍊中另外加添艱苦。 |
| 1:18 | 按呢就怎樣？或是假，或是真，無論怎樣，根抵是傳基督。我因為按呢就歡喜，也欲歡喜； |
| 1:19 | 因為我知此個事，對恁的祈禱以及耶穌基督的神的賞賜，欲致到我得著救。 |
| 1:20 | 照我所切切欣慕及向望的，就是我無一項事見誚。凡事好膽，現今也照平常按呢，或是對死，或是對活，基督欲佇我的身軀得著榮光。 |
| 1:21 | 因為論到我，活就是基督，死就是利益。 |
| 1:22 | 設使活佇肉體，這是做我的工的果子，我也呣知欲怎樣揀。 |
| 1:23 | 我佇兩難的中間，真愛倒去及基督相及佇啲，是不止卡好。 |
| 1:24 | 總是猶原住佇肉體，為著恁的緣故是閣卡要緊。 |
| 1:25 | 我已經深信此個，就知我欲猶原佇啲，也及恁眾人相及佇啲，致到恁的信得著進步閣歡喜， |
| 1:26 | 互恁佇基督耶穌的誇口，為著我會愈充滿，是對我及恁閣佇啲。 |
| 1:27 | 獨獨恁行代誌著合佇基督的福音，互我豈採來見著恁，抑是離開恁，會聽見恁的代誌，就是恁佇一個神徛在，用一心為著福音的信相及出力。 |
| 1:28 | 凡代誌無互對敵拍驚，這是做𪜶滅無的憑據，也是做恁得救的憑據，攏是對上帝。 |
| 1:29 | 因為已經賞賜恁為著基督，呣若信靠伊，閣為著伊受苦。 |
| 1:30 | 恁出力交戰，及前所看見我的、現今所聽見我的相同。 |
- 本章節結束 -
下一章