走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 4:1 | 所以我所疼、所欣慕的兄弟，做我的歡喜，做我的冕旒的。所疼的啊，著按呢徛在佇主。 |
|---|---|
| 4:2 | 我勸友阿爹閣勸循都基，著同心佇主。 |
| 4:3 | 閣真的同伴啊，我也求你幫助此二個婦仁人，因為𪜶曾及我同出力佇福音；也及革利免，以及其餘及我同著磨的，𪜶的名記佇活命的冊。 |
| 4:4 | 著常常𫢶佇主來歡喜。我欲閣講伊，著歡喜。 |
| 4:5 | 恁的純良著對眾人顯明。主近了。 |
| 4:6 | 一概莫得掛慮，獨獨萬事著用祈禱、懇求，及感謝，將恁所求的排列佇上帝。 |
| 4:7 | 就上帝的平安、𨃟過一切人所想會到的，欲佇基督耶穌保守恁的心恁的念頭。 |
| 4:8 | 今兄弟啊，結尾來講：見若真實的、見若可敬的、見若公義的、見若清潔的、見若通疼的、見若好名聲的、若有甚麼德行、甚麼通謳咾，諸個恁著數念。 |
| 4:9 | 恁對我所學習，所領受，所聽見，所看見的，攏著行伊，就賞賜平安的上帝欲及恁佇啲。 |
| 4:10 | 我𫢶佇主大大歡喜，因為恁數念我的心志今有閣發芛；恁平素有此號數念，不過是無機會若定。 |
| 4:11 | 我講按呢呣是為著用無夠的緣故；因為我已經學習，不論甚麼境遇無呣知足。 |
| 4:12 | 我知影𫢶佇卑賤，也知影𫢶佇富足；或是飽，或是枵；或是富足，或是缺欠，凡事我攏老練。 |
| 4:13 | 𫢶佇賞賜我氣力的，我事事攏會。 |
| 4:14 | 雖是按呢，恁體貼我的患難這是真好。 |
| 4:15 | 腓立比人啊，恁也家己知佇傳福音的起頭，我離開馬其頓的時，及我接手的，只有恁，別個教會無。 |
| 4:16 | 因為連我佇帖撒羅尼迦的時，恁也一擺閣一擺差人供給我所欠用。 |
| 4:17 | 呣是我啲求人送物，獨獨是求果子愈多，來記落恁的數。 |
| 4:18 | 若是我有諸個物，夠額有剩。我已經充足，是曾對以巴弗提受著恁寄來的物，就是芳芳的味，做通接納的祭物，上帝所歡喜的。 |
| 4:19 | 閣我的上帝欲照伊榮光中的富有，佇基督耶穌，補足恁一切的欠缺。 |
| 4:20 | 願榮光歸佇咱的上帝咱的父，到代代無息。阿們！ |
| 4:21 | 請安𫢶佇基督耶穌逐個聖徒。諸個及我佇啲的兄弟請安恁。 |
| 4:22 | 諸個聖徒攏請安恁。屬佇該撒的家的閣卡致意請安恁。 |
| 4:23 | 願主耶穌基督的恩典及恁的神相及佇啲！ |
- 本章節結束 -
上一章