台語聖經

麥穗田首頁線上台語聖經

經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -

帖撒羅尼迦前書第1章

書的內容主要是保羅述說與帖撒羅尼迦教會的關係(2:1-3:13)。在4:13-5:11保羅也談論末世主降臨的情況。

有聲聖經朗讀者：閻大衛
(整卷朗讀)

章節快速選擇 :

上下篇聖經查閱：歌羅西書帖撒羅尼迦後書回到目錄

1:1	保羅、及西拉，以及提摩太批寄互帖撒羅尼迦人的教會，就是𫢶佇父上帝及主耶穌基督的。願恁得著恩典、平安！
1:2	阮為著恁眾人常常感謝上帝，佇祈禱的中間數念恁，
1:3	佇上帝咱的父的面前，長長數念恁有信就行做，有仁愛就著磨，有向望咱的主耶穌基督就吞愞。
1:4	上帝所疼的兄弟啊，阮知恁的受揀選；
1:5	因為阮的福音到佇恁，呣是在佇講話若定，是在佇權能在佇聖神，及堅固的信，親像恁知阮佇恁中間，為著恁來成做甚麼等號的人。
1:6	閣恁已經佇多多苦難，用聖神所賞賜的歡喜，來承受道理，就學阮也學主；
1:7	致到恁做馬其頓、亞該亞攏總信的人的模樣。
1:8	因為主的道理對恁傳出。呣若佇馬其頓及亞該亞若定，就是恁向上帝的信已經逐所在報揚；致到阮呣免講甚麼。
1:9	因為𪜶家己報明講阮到恁中間是甚麼款，也恁怎樣有離開偶像，歸佇上帝，來服事活閣真的上帝，
1:10	也聽候伊的子對天落來，就是伊對死人中互伊復活的耶穌──是彼個拯救咱出將來的受氣者。

- 本章節結束 -