走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 4:1 | 兄弟啊，結尾來講：阮佇主耶穌求恁勸恁，照恁前所曾對阮受，著怎樣行來互上帝歡喜的，恁已經啲行，今著閣卡出力行。 |
|---|---|
| 4:2 | 因為恁知阮對主耶穌有甚麼命令互恁。 |
| 4:3 | 因為上帝的旨意就是恁的成聖，是愛恁離開淫亂； |
| 4:4 | 愛恁逐人會曉得用聖潔，及尊貴守家己的身軀， |
| 4:5 | 無用私慾的情，親像呣識上帝的外邦人。 |
| 4:6 | 佇此層事也無過界，侵犯伊的兄弟；因為見若此號事，主是伸冤者，親像阮曾給恁講，來干證的。 |
| 4:7 | 因為上帝召咱，呣是致到污穢，就是佇成聖。 |
| 4:8 | 所以拒絕的，呣是拒絕人，是拒絕上帝，就是用伊的聖神互恁的。 |
| 4:9 | 論疼兄弟，呣免寫批互恁；因為恁家己受著上帝的教示，互恁大家相疼。 |
| 4:10 | 是恁果然有行伊佇通馬其頓的眾兄弟，總是兄弟啊，阮勸恁著益發按呢。 |
| 4:11 | 也著對重恬靜，來做家己的事，親手做恁的工，照阮所曾吩咐恁的， |
| 4:12 | 互恁向外面人端正來行，也家己無所欠缺。 |
| 4:13 | 兄弟啊，論到啲睏的人，阮呣愛恁呣知，免得恁憂悶，親像許個無向望的人一樣。 |
| 4:14 | 因為咱若信耶穌有死有復活，就屬耶穌來睏的人，上帝也欲按呢導𪜶及耶穌相及來。 |
| 4:15 | 因為阮奉主的命令用此個給恁講：就是主閣來的時，咱諸個猶活啲的人，𣍐會代先許個啲睏的人。 |
| 4:16 | 因為主欲本身對天落來，有大喉叫有至大天使的聲，也有上帝的哨角；就許個屬基督已經死的人欲代先起來。 |
| 4:17 | 後來咱猶活啲的人欲及𪜶受接納佇雲內，入空中迎接主。按呢，咱就永遠及主相及佇啲。 |
| 4:18 | 所以，著用諸個話相安慰。 |
