台語聖經

線上台語聖經

麥穗田首頁線上台語聖經

經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -

提摩太前書第6章

章節快速選擇 :

上下篇聖經查閱：帖撒羅尼迦後書提摩太後書回到目錄

6:1	見若佇人的轄下做奴僕的，著看家己的主人堪得受齊全的尊敬，免得上帝的名及道理抵著誹謗。
6:2	設使伊的主人是信道理的，就呣通因為伊是兄弟來看輕伊；反轉閣卡著服事伊；因為受利益的就是信及得著疼的，你著用諸個教示來苦勸𪜶。
6:3	若有人傳別樣的教，無順服咱的主耶穌基督端正的話及照敬虔的教訓的，
6:4	伊是家己phong風，呣知半項，有好辯論，及相爭話的弊病，
6:5	對按呢就生起怨妒、相爭、誹謗、歹念頭，以及心志敗壞、喪失真理的人的冤家。𪜶掠敬虔做利路。
6:6	若是敬虔兼知足就是大利路；
6:7	因為咱出世無帶甚麼來，過世也𣍐會帶甚麼去。
6:8	若是有通食穿，咱就欲知足。
6:9	獨獨許個想欲發財的，就陷落迷惑及羅網以及多多戇戇有損害的私慾，就是互人沈落佇敗壞及滅無的。
6:10	因為貪財是萬惡的根源。有人戀慕伊，就受迷惑來離開道理，用多多艱苦家己刺鑿。
6:11	獨獨你屬上帝的人啊，著閃避諸個，來追趇義、敬虔、信、仁愛、吞愞、溫柔。
6:12	著爭戰信的好爭戰，將永活擒住住。你的受召就是為著此個，你也曾承認好的志願佇多多干證的人的面前。
6:13	我佇賞賜活命互萬項有的上帝的面前，以及對本丟彼拉多做好的干證的基督耶穌的面前，吩咐你：
6:14	著守此個命令，無瑕疵，無通嫌，到咱的主耶穌基督的顯現。
6:15	到期，大福氣、獨一有權能萬王的王、萬主的主，欲顯明伊，
6:16	就是獨一𣍐死，𫢶佇𣍐通近倚的光，人所未曾看見、也𣍐會看見的，願尊貴及永遠的權勢歸佇伊。阿們！
6:17	今世好額的人你著吩咐𪜶，心志莫得自高，莫得下𪜶的向望佇無定著的錢財；著下佇將萬物滿滿互咱享受的上帝。
6:18	閣吩咐𪜶行好事，好額佇好所行，歡喜賑濟，甘願分互人，
6:19	為著家己積聚好的地基，備辦後來的事，互𪜶擒住真的活命。
6:20	提摩太啊，所交託你的，你著保守伊，離開有名無實的智慧諸個粗俗的虛詞，及相比較的辯論。
6:21	有人自稱有此號智慧，就已經差謬道理啦。願恩典及恁佇𪜶！

- 本章節結束 -

聯繫資訊

線上台語聖經

台語聖經

提摩太前書第6章

快速導航

相關資訊

聯絡麥穗田

聯繫資訊

線上台語聖經

台語聖經

提摩太前書 第6章

提摩太前書第6章