走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
提後的內容主要有兩個：保羅對提摩太個人的勸勉(1:5-2:26)、保羅對提摩太的事奉工作的勸勉(3:1-4:18)。
| 1:1 | 對上帝的旨意，照佇基督耶穌活命的應允，做基督耶穌的使徒保羅， |
|---|---|
| 1:2 | 批寄互我所疼的子提摩太。願你對父上帝及咱的主基督耶穌得著恩典、憐憫、平安！ |
| 1:3 | 我感謝上帝，就是我續接列祖用清氣的良心所服事的。佇祈禱的時，我數念你無息， |
| 1:4 | 記得你的流目屎，暝日欣慕見著你，互我滿心歡喜。 |
| 1:5 | 念著你心內無假的信，此個信是代先𫢶佇你的外媽羅以及你的老母友妮基，我深信此個信也是𫢶佇你。 |
| 1:6 | 為著此個緣故我點醒你，愛你將上帝對我的按手所互你的恩賜閣奮志，親像互火閣炎一樣。 |
| 1:7 | 因為上帝所賞賜咱的，呣是驚惶的心神，就是權能、仁愛、守己的心神。 |
| 1:8 | 所以給咱的主做干證莫得掠做見誚，也莫得掠我做主的囚犯來見誚；著照上帝的權能，為著福音相及受苦。 |
| 1:9 | 伊救咱，用聖的召召咱，呣是照咱的行做，是照伊家己的旨意及恩典；此個恩典就是永世代的代先，佇基督耶穌賞賜咱的， |
| 1:10 | 若是現今對咱的救主基督耶穌的顯現來表明的。伊已經廢無死，閣對福音，互活命及𣍐敗壞的攏顯明。 |
| 1:11 | 我為著此個受設立做宣傳的，做使徒，做教師。 |
| 1:12 | 為著此個緣故，我也受諸個艱苦。若是我無掠做見誚；因為我識我所信的，也深信伊會保守我所交託伊的，到佇彼日。 |
| 1:13 | 你對我所聽見許個端正的話的模樣，著用佇基督耶穌的信及仁愛，來執守伊。 |
| 1:14 | 所交託你的好事，你著倚靠𫢶佇咱的聖神來顧守伊。 |
| 1:15 | 凡若佇亞西亞的人已經背我，這是你所知，其中有腓吉路、黑摩其尼。 |
| 1:16 | 願主憐憫阿尼色弗的家；因為伊沓沓補我的精神，也無掠我掛鐵鍊做見誚， |
| 1:17 | 伊佇羅馬的時，殷勤尋我到見著。 |
| 1:18 | 願主互伊佇彼日對主來得著憐憫。也伊佇以弗所用偌多項服事我，你也明明知。 |
- 本章節結束 -
下一章