走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 2:1 | 所以我的子啊，你𫢶佇基督耶穌的恩著勇健。 |
|---|---|
| 2:2 | 你佇多多干證的人的面前所對我聽見諸個事，著交託忠信的人，將來堪得教示別人的。 |
| 2:3 | 你著親像基督耶穌精練的兵，及我受苦。 |
| 2:4 | 見若出軍的兵，無互世事纏絆，通互招募伊的歡喜。 |
| 2:5 | 鬥力的若無照法度來鬥力，就𣍐得著冕旒。 |
| 2:6 | 出力著磨的作穡人，卡代先得著土產是合宜。 |
| 2:7 | 我所講的你著想伊，因為主欲互你佇逐項代誌聰明。 |
| 2:8 | 你著記得對大衛的後裔所出的耶穌基督，伊對死人中復活，抵抵照我的福音。 |
| 2:9 | 我為著此個受苦，甚至受縳，親像行歹的人一樣。總是上帝的道理無受縳。 |
| 2:10 | 所以我因為受揀的人來吞愞一切的事，互𪜶也有份佇基督耶穌的拯救及永世代的榮光。 |
| 2:11 | 有一句通信的話就是講：咱若及伊同死，也欲及伊同活； |
| 2:12 | 咱若吞愞，也欲及伊相及做王；咱若呣認伊，伊也欲呣認咱； |
| 2:13 | 咱若失信，伊猶原是信實，因為伊𣍐會背家己。 |
| 2:14 | 你著將諸個代誌互人記得，也佇主的面前吩咐𪜶：呣通因為言語來相諍；這是無利益，閣會敗壞聽的人。 |
| 2:15 | 你著致意互上帝看你做可取的，做免見誚的做工人，照正意來開拆真理的道。著閃避粗俗的虛詞。 |
| 2:16 | 因為𪜶欲愈致到不虔。 |
| 2:17 | 𪜶的話欲生湠，親像瘡毒；其中有許米乃及腓理徒， |
| 2:18 | 論到真理𪜶已經差謬，講復活的事已經過身，就敗壞幾若人的信。 |
| 2:19 | 總是上帝堅固的地基徛在；有蓋印講：「主識伊家己的人」；閣講：「凡若稱呼主的名的著離開不義。」 |
| 2:20 | 今佇大厝內，伊的器具呣若有金的銀的，也有柴的土的；有的做貴器的路用，有的做下賤的路用。 |
| 2:21 | 所以人若清氣家己，脫離諸個，就欲做貴器的器具，成聖，合佇主人的路用，便便通做逐項好的事。 |
| 2:22 | 著閃避少年人的私慾，來及許個出佇清氣心求叫主的人相及追jip義、信、仁愛、和平。 |
| 2:23 | 若是愚戇無學問的辯論，你著離開𪜶，因為知對諸個會生出冤家。 |
| 2:24 | 獨獨主的奴僕呣通冤家，著溫柔來款待眾人，𠢕教示，忍受侮慢， |
| 2:25 | 用溫柔警戒許個逆理的人；豈採上帝互𪜶反悔，通來識真理， |
| 2:26 | 也家己醒悟，來脫離魔鬼的活罩，因為互主的奴僕活活掠著，來成上帝的旨意。 |
