台語聖經

麥穗田首頁線上台語聖經

經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -

提多書第2章

章節快速選擇 :

上下篇聖經查閱：提摩太後書腓利門書回到目錄

2:1	許個合佇端正的教示的，你著講伊。
2:2	就是老人呣通愛食酒、著端莊、守己，閣佇信、佇仁愛、佇吞愞，無呣純全。
2:3	老婦仁人也著按呢，行動舉止著合佇敬虔，莫得誹謗，也莫得做酒的奴才，著用好教示人，
2:4	才通教督少年的婦仁人，疼𪜶的丈夫，疼𪜶的子兒，
2:5	守己，貞潔，料理家事，善良，順服家己的丈夫，免得上帝的道理受著謗瀆。
2:6	少年的查甫人，你也著按呢勸𪜶守己。
2:7	你凡事著家己做好所行的模樣；
2:8	佇教示著端莊、無邪，言語端正，無通嫌，互對敵家己見誚，無地通講咱的歹。
2:9	勸奴僕著順服𪜶的主人，凡事互𪜶歡喜，
2:10	無抵觸，無偷提，逐項著顯明忠信，互𪜶凡事榮光咱的救主上帝的教。
2:11	因為上帝救眾人的恩已經顯明，
2:12	警戒咱著棄拺不虔及此世間的私慾，用守己、公義、敬虔來過日佇此世代，
2:13	欣慕彼個大福氣的向望，及咱至大的上帝及救主耶穌基督榮光的顯現。
2:14	伊為著咱獻家己，欲贖咱脫離一切的不法，閣為著本身洗清咱，做伊家己的百姓，就是熱心佇諸個好所行的。
2:15	諸個事你著講，著苦勸，用攏總的權來責備人；呣通互人藐視你。

- 本章節結束 -