走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 2:1 | 若是佇百姓的中間曾有假的先知，按呢佇恁的中間也啲欲有假的先生，暗靜引進許個害人到沈淪的異端入來，就贖回𪜶的主宰𪜶也呣認，家己取緊緊到的沈淪。 |
|---|---|
| 2:2 | 欲有多多人趁𪜶的邪淫，真理的路欲為著𪜶來受誹謗。 |
| 2:3 | 𪜶對貪心欲造作話來𢬳恁。對早以來𪜶的審判無延延，𪜶的沈淪無歇睏。 |
| 2:4 | 因為上帝既然無惜犯罪的天使，是㧒徛𪜶佇暗府，交𪜶佇黑暗的坑，收禁啲聽候審判。 |
| 2:5 | 閣無惜古早的世界，互大水到佇許個無敬虔的人的世界，獨獨保護宣傳義理的挪亞彼八人。 |
| 2:6 | 閣互所多瑪、蛾摩拉許個城，做火灰，擬定𪜶滅無，下啲做後世代無敬虔的人的鑑戒； |
| 2:7 | 獨獨拯救義人羅得，就是常常為著誣理的人邪淫的所行來深深憂悶的。（ |
| 2:8 | 因為此個義人徛起佇𪜶中間，也看見也聽見日日因為𪜶不法的所做，來苦楚伊義的心。） |
| 2:9 | 主知通拯救敬虔的人脫離誘惑，也知通收禁不義的人到審判的日，受刑罰。 |
| 2:10 | 閣卡要緊是許個趁肉體行佇污穢的私慾，也藐視辦政事者。𪜶大膽自恃，就褻瀆尊貴的，也無驚。 |
| 2:11 | 雖然天使氣力權能卡大，猶久未曾佇主的面前用謗瀆的話責罪𪜶。 |
| 2:12 | 獨獨諸個人親像無靈性的活物，生成著互人掠來敗壞的，褻瀆𪜶所呣知的，欲佇𪜶的敗壞來受敗壞。 |
| 2:13 | 抵著艱苦，做不義的工錢。𪜶掠日時的宴樂做歡喜，是垃墋，是瑕疵，及恁同筵席，宴樂佇𪜶的和愛席。 |
| 2:14 | 𪜶的目睭攏是淫色，犯罪無息，迷惑心無堅固的人，𪜶的心慣勢貪財，合該受咒詛。 |
| 2:15 | 離開正路來失迷，趁比珥的子巴蘭的路。伊是憶著不義的工錢， |
| 2:16 | 若是為著家己的犯法來抵著責備；𣍐講話的驢講人的話來阻止先知的濫糝。 |
| 2:17 | 𪜶是無水的泉，狂風所掃的雲霧，有黑黑暗暗留啲聽候𪜶。 |
| 2:18 | 因為𪜶講空虛誇口的話，佇肉體的私慾用邪淫來誘惑許個抵抵脫離行差謬的人的手的。 |
| 2:19 | 應允𪜶自由，也家己做敗壞的奴才，因為人互甚麼卡贏就做彼項的奴才。 |
| 2:20 | 因為𪜶已經對深知救主──耶穌基督，來得著脫離世間許個污穢，若閣再互許個污穢所纏所壓制，就彼號人路尾的事比代先卡傷重。 |
| 2:21 | 因為既然知義的路，也竟然悖謬所傳互𪜶聖的命令，呣值著𪜶攏呣知閣卡好。 |
| 2:22 | 彼號人的景況是合佇真的俗語所講：狗倒轉食伊所吐的；豬已經洗閣淖佇土糜的中央。 |
