台語聖經

麥穗田首頁線上台語聖經

經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -

約翰壹書第1章

目的：駁斥當時教會流行的異端，也同時勸勉信徒不要貪愛世界而是要走在主的愛裏。

有聲聖經朗讀者：閻大衛
(整卷朗讀)

章節快速選擇 :

上下篇聖經查閱：彼得後書約翰貳書回到目錄

1:1	論到活命的道，對起頭所有，阮所聽見、親目所看見，所觀看，也阮的手摸著的。（
1:2	此個活命曾出現，阮有看見，來做干證，也報恁知彼個永活的活命，就是本及父佇啲，也出現佇阮的。）
1:3	阮將所看見、所聽見報恁知，欲互恁及阮交陪。閣阮所交陪就是及父以及伊的子耶穌基督。
1:4	阮寫諸個，是欲互阮的歡喜充滿。
1:5	阮對伊所聽的話、來傳互恁的，就是講，上帝是光，佇伊全然無暗。
1:6	咱若講有啲及伊交陪，也行佇黑暗，就是講白賊，無行真實。
1:7	獨獨咱若行佇光明，親像伊𫢶佇光明，就咱相及交陪，也伊的子耶穌的血洗除咱攏總的罪。
1:8	咱若講無罪，就是騙家己，真理也無𫢶佇咱。
1:9	咱若認咱的罪，伊是真實公義，欲赦免咱的罪，洗除咱攏總的不義。
1:10	咱若講未曾犯罪，便是互伊做講白賊的，伊的道理無𫢶佇咱。

- 本章節結束 -