台語聖經

線上台語聖經

麥穗田首頁線上台語聖經

經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -

約翰壹書第2章

章節快速選擇 :

上下篇聖經查閱：彼得後書約翰貳書回到目錄

2:1	我的細子啊，我寫諸個互恁，是欲互恁無犯罪。若有人犯罪，就佇父的面前咱有保惠師，就是義人耶穌基督。
2:2	伊為著咱的罪做挽回的祭，閣呣若為著咱的罪，也是為著通世間。
2:3	咱若守伊的命令，對按呢就知咱識伊。
2:4	人若講「我識伊」，也無守伊的命令，是白賊的人，真理也無𫢶佇伊。
2:5	見若守伊的道理的，就上帝的疼佇伊真正有齊全。對按呢，咱知咱𫢶佇伊。
2:6	人若家己講𫢶佇伊，就著照伊所行的去行。
2:7	所疼的兄弟啊，我無寫新的命令互恁，就是恁對起頭所有舊的命令；彼個舊的命令就是恁所曾聽見的道理。
2:8	又閣，我寫新的命令互恁，此個代誌佇伊是真，佇恁也是真；因為黑暗啲過，真光已經啲照。
2:9	人若講家己𫢶佇光明，也怨恨伊的兄弟，就伊到今是𫢶佇黑暗。
2:10	人若疼伊的兄弟，伊是徛起佇光，也佇伊無跋倒的因由。
2:11	獨獨人若怨恨伊的兄弟，伊是𫢶佇暗，閣行佇暗，也呣知所去的，因為此個暗互伊的目睭睛暝。
2:12	細子啊，我寫批互恁，因為恁的罪為著伊的名已經赦免。
2:13	老大啊，我寫互恁，因為恁識彼個對起頭就有的。少年人啊，我寫互恁，因為恁已經卡贏彼個歹者。細子啊，我曾寫互恁，因為恁識父。
2:14	老大啊，我曾寫互恁，因為恁識彼個對起頭就有的。少年人啊，我曾寫互恁；因為恁勇健，也上帝的道理𫢶佇恁；也恁已經卡贏彼個歹者。
2:15	莫得疼此世間以及世間的物。人若疼此世間，就父的疼無𫢶佇伊。
2:16	因為，見若佇世間的，肉體的私慾，及目睭的私慾，及人生的驕傲，呣是對父，是對世間。
2:17	閣世間及伊的私慾啲過去，獨獨行上帝的旨意的，永遠佇啲。
2:18	細子啊，這是路尾的時。親像恁曾聽見，有彼個對敵基督的來；現今有出多多對敵基督的，對按呢咱知是路尾的時。
2:19	𪜶對咱出去，獨獨呣是屬咱的；因為若是屬咱的，就會長長及咱啲；𪜶出去，是欲顯明𪜶攏呣是屬咱的。
2:20	閣恁對聖者受抹油，續知一切的代誌。
2:21	我批寫互恁，是呣是因為恁呣識真理。因為恁識伊，也因為一切的白賊攏呣是對真理。
2:22	白賊的是是誰？豈呣是無認耶穌做基督的嗎？無認父及子的，此個就是彼個對敵基督的。
2:23	見若無認子的，也無有父；認子的，也有父。
2:24	恁對起頭所聽見的，著互伊長長𫢶佇恁。若是對起頭所聽的𫢶佇恁，就恁也欲𫢶佇子及父。
2:25	此個也是伊所應允咱的應允，就是永活。
2:26	我寫諸個互恁，是論許個迷惑恁的。
2:27	恁對伊所受的抹油長長𫢶佇恁，也呣免人教恁，獨獨因為伊的抹油教示恁萬項事。也是真實，呣是白賊；也照伊曾教示恁的，恁長長𫢶佇伊。
2:28	今，細子啊，恁著長長𫢶佇伊。按呢，伊若顯現，才互咱佇伊閣臨到的時會好膽；也佇伊的面前無見誚。
2:29	恁若知伊是公義，就知見若行義的人也是伊生的。

- 本章節結束 -

聯繫資訊

線上台語聖經

台語聖經

約翰壹書第2章

快速導航

相關資訊

聯絡麥穗田

聯繫資訊

線上台語聖經

台語聖經

約翰壹書 第2章

約翰壹書第2章