走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 3:1 | 恁想看父疼咱到怎樣，互咱稱做上帝的子；咱也實在是。所以世間人呣識咱，因為呣識伊。 |
|---|---|
| 3:2 | 所疼的兄弟啊，現今咱做上帝的子，將來怎樣，猶未顯明；咱知伊若顯明，咱就親像伊，因為咱欲看見伊照伊實在的款。 |
| 3:3 | 見若靠伊才有此號向望的，本身清氣，親像伊是清氣。 |
| 3:4 | 見若犯罪的，也行不法；罪就是不法。 |
| 3:5 | 恁也知伊曾顯現，是欲除去罪，也在佇伊無罪。 |
| 3:6 | 見若住佇伊的，無犯罪；見若犯罪的，未曾看見伊，也呣識伊。 |
| 3:7 | 細子啊，呣通互人迷惑恁。行義的就是義，親像伊是義。 |
| 3:8 | 犯罪的是對魔鬼出，因為魔鬼對起頭犯罪。上帝的子所以顯現，是欲毀壞魔鬼的所做。 |
| 3:9 | 見若對上帝生的，就無犯罪，因為伊的種長長𫢶佇伊；伊也𣍐犯罪，因為伊是對上帝生的。 |
| 3:10 | 上帝的子兒及魔鬼的子兒對按呢顯明。見若無行義及無疼兄弟的，呣是對上帝出。 |
| 3:11 | 因為恁對起頭所聽的話，就是咱著相疼。 |
| 3:12 | 無親像該隱；是對彼個歹者出，來刣伊的小弟。甚麼緣故刣伊？因為伊所做是歹，伊的小弟所做是義。 |
| 3:13 | 兄弟啊，世間人若怨恨恁，呣通掠做奇怪。 |
| 3:14 | 咱因為疼兄弟，就知咱已經出死入活。無疼的，是𫢶佇死。 |
| 3:15 | 見若怨恨伊的兄弟的，就是刣人的人；恁也知見若刣人的，伊的內面無永活。 |
| 3:16 | 伊替咱獻伊的生命，咱對此個識仁愛；咱也應該替兄弟獻生命。 |
| 3:17 | 人若有世間的財產，看見伊的兄弟欠缺，也無開伊的慈心，上帝的疼豈可有𫢶佇伊啊？ |
| 3:18 | 細子啊，咱的相疼，呣通用話，用舌，是著用行，用誠實。 |
| 3:19 | 對按呢咱欲知咱是出佇真實，見若心有所責備咱，欲安慰咱的心佇伊的面前。 |
| 3:20 | 因為上帝比咱的心卡大，也無所呣知。 |
| 3:21 | 所疼的兄弟啊，心若無責備咱，就咱向上帝有好膽。 |
| 3:22 | 閣見若咱所求的，就對伊得著；因為咱守伊的命令，佇伊的面前行伊所歡喜的代誌。 |
| 3:23 | 也伊的命令是按呢就是咱信伊的子耶穌基督的名，閣大家相疼照伊所互咱的命令。 |
| 3:24 | 守伊的命令的人，就𫢶佇伊，伊也𫢶佇伊。咱對按呢知伊𫢶佇咱是對伊所互咱的神。 |
