走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 4:1 | 所疼的兄弟，諸個神，呣通攏總信，獨獨著試驗諸個神是對上帝抑呣是，因為有多多假先知出來入世間。 |
|---|---|
| 4:2 | 恁對此個識上帝的神；見若神有認耶穌基督已經佇肉體臨到的，就是對上帝來。 |
| 4:3 | 見若神呣認耶穌的，呣是對上帝來，這也是對敵基督者的神。恁有聽見伊來，現在伊也已經佇世間啦。 |
| 4:4 | 細子啊，恁是對上帝來，閣已經卡贏𪜶；因為𫢶佇恁的，卡大𫢶佇世間的。 |
| 4:5 | 𪜶是對世間來，所以𪜶講話也對世間，世間也聽𪜶。 |
| 4:6 | 咱是對上帝來，識上帝的聽咱；呣是對上帝來的，無聽咱。真實的神及差謬的神，咱對按呢識伊。 |
| 4:7 | 所疼的兄弟啊，咱著相疼，因為疼是對上帝來。見若疼的是對上帝生，閣識上帝。 |
| 4:8 | 無疼的，呣識上帝，因為上帝是疼。 |
| 4:9 | 上帝差伊獨生的子入世間，互咱對伊來活，上帝的疼對此個顯明佇咱。 |
| 4:10 | 呣是咱曾疼上帝，是伊曾疼咱，差伊的子為著咱的罪做挽回的祭，疼就是在佇此個的。 |
| 4:11 | 所疼的兄弟啊，上帝若疼咱到按呢，就咱也著相疼。 |
| 4:12 | 從來未有人看見上帝，咱若相疼，就上帝𫢶佇咱，也伊的疼完全佇咱。 |
| 4:13 | 伊已經用伊的神賞賜咱，咱對按呢知咱𫢶佇伊，也伊𫢶佇咱。 |
| 4:14 | 父差伊的子做世間的救主；阮曾看見也做干證。 |
| 4:15 | 見若認耶穌做上帝的子的，就上帝𫢶佇伊，伊也𫢶佇上帝。 |
| 4:16 | 上帝所有疼咱的，咱也知也信。上帝就是疼；閣人𫢶佇疼，就是𫢶佇上帝，上帝也𫢶佇伊。 |
| 4:17 | 對按呢，疼成做完全佇咱，互咱佇審判的日會好膽。因為伊甚麼款，咱佇世間也按呢。 |
| 4:18 | 佇疼的內面無驚惶；獨獨齊全的疼，趕出驚惶。因為驚惶就有刑罰，見若驚惶的佇疼未有齊全。 |
| 4:19 | 咱有疼，因為伊代先疼咱。 |
| 4:20 | 若有人講「我疼上帝」，也怨恨伊的兄弟，就是白賊的；因為無疼所有看見的兄弟的，就𣍐疼所未看見的上帝。 |
| 4:21 | 疼上帝的，也著疼伊的兄弟，這是咱對伊所受的命令。 |
